“ချန်ပီယံလိဂ်မှာ နိုင်ပွဲပြန်လည်ရရှိခဲ့တဲ့ အာဆင်နယ်အသင်း”
03 Oct
အောက်တိုဘာလ ၁ ရက်က ကစားခဲ့တဲ့ ပီအက်စ်ဂျီအသင်းနဲ့ ချန်ပီယံလိဂ်ပွဲစဉ်မှာ အနိုင်ရရှိခဲ့တာကြောင့် အာဆင်နယ်အသင်းဟာ အခုဘောလုံးရာသီမှာ ပထမဆုံးချန်ပီယံလိဂ်နိုင်ပွဲကို ရယူနိုင်ခဲ့ပါတယ်။ အာဆင်နယ်အသင်းဟာ အိမ်ကွင်းမှာ ပီအက်စ်ဂျီအသင်းကို အနိုင်ရအောင် ကစားနိုင်ခဲ့ပြီး အစောပိုင်း သွင်းဂိုးတွေနဲ့အတူ ၂ ဂိုးပြတ်အနိုင်ရရှိခဲ့တာ ဖြစ်ပါတယ်။ အာဆင်နယ်နည်းပြ အာတီတာ ဟာ အခု ပွဲစဉ်မှာ ဟာဗက်နဲ့ ထရော့ဆက် တို့ကို အသင်းရဲ့တိုက်စစ်မှာ အသုံးပြုလာခဲ့ပြီး အဓိကကစားသမားတွေကို လူစုံထုတ် ကစားသွား ခဲ့ပါတယ်။ ပီအက်စ်ဂျီအသင်းကတော့ အသင်းရဲ့ လူစာရင်းမှာ ဒမ်ဘီလီ ပါဝင်လာခြင်းမရှိခဲ့ပဲ လူငယ်ကစားသမား အများစုကို အသုံးပြုခဲ့တာကို တွေ့ခဲ့ရပါတယ်။ အာဆင်နယ်အသင်းအတွက် ဂိုးတွေကိုတော့ ပွဲချိန်မိနစ် ၂၀ မှာ ဟာဗက်နဲ့ ၃၅ မိနစ်မှာ ဆာကာ တို့က သွင်းယူ ပေးခဲ့ကြတာဖြစ်ပါတယ်။ အာဆင်နယ်အသင်းဟာ ပြီးခဲ့တဲ့ချန်ပီယံလိဂ်ပွဲစဉ်မှာ အတ္တလန်တာအသင်းနဲ့ ဂိုးမရှိ သရေကျခဲ့တာကြောင့် ပီအက်စ်ဂျီအသင်းကို အနိုင်ရရှိခဲ့တာက အခုဘောလုံးရာသီမှာ အာဆင်နယ်အသင်းရဲ့ ပထမဆုံးရရှိခဲ့တဲ့ ချန်ပီယံလိဂ်နိုင်ပွဲလည်း ဖြစ်လာခဲ့ပါတယ်။ (NVS 008)
