“အနာဂတ်အတွက် စိုးရိမ်မှုမရှိဘူးလို့ဆိုတဲ့ တန်ဟတ်”
01 Oct
အနာဂတ်အတွက် စိုးရိမ်မှုမရှိသလို ထုတ်ပယ်ခံရမယ့်အရေးကိုလည်း ကြောက်နေမှာမဟုတ်ဘူးလို့ မန်ယူနည်းပြ တန်ဟတ် က စပါးအသင်းကို ဂိုးပြတ်ရှုံးနိမ့်မှုအပြီးမှာ ပြောကြားလိုက်ပါတယ်။ မန်ယူအသင်းဟာ အခုရာသီ ပရီးမီးယားလိဂ် ရာသီအစ ၆ ပွဲမှာ ၃ ပွဲမြောက် ရှုံးပွဲအဖြစ် စပါးအသင်းကို အိမ်ကွင်းမှာ ၃ ဂိုးပြတ်နဲ့ အရေးနိမ့်ခဲ့တာဖြစ်ပြီး နည်းပြတန်ဟတ်လည်း ထုတ်ပယ်ခံရဖို့ ပိုမိုရေပန်းစား လာခဲ့တာဖြစ်ပါတယ်။ နယ်သာလန်လူမျိုး နည်းပြ တန်ဟတ်ကတော့ သူ့ရဲ့အနာဂတ်အတွက် စိုးရိမ်မှုမရှိသလို ကစား သမားတွေအပေါ် အပြည့်အဝ ယုံကြည်မှုရှိတယ်လို့ ပွဲအပြီးသတင်းစာရှင်းလင်းပွဲမှာ ပြောကြားခဲ့ပါတယ်။ ပြီးခဲ့တဲ့နွေရာသီက အသင်းတာဝန်ရှိသူတွေနဲ့ သေချာစွာဆွေးနွေးပြီးမှ အသင်းနဲ့စာချုပ်သစ်ကို ချုပ်ဆိုခဲ့တာ ဖြစ်တာကြောင့် သူ့ရဲ့စီမံကိန်းတွေအပေါ် အသင်းတာဝန်ရှိသူတွေ ကောင်းစွာနားလည်မှာ ဖြစ်တယ်လို့ တန်ဟတ်က ပြောကြားခဲ့ပါတယ်။ မန်ယူအသင်းဟာ အခုကြားရက်မှာ ယူရိုပါလိဂ်ပွဲစဉ်အဖြစ် ပေါ်တိုအသင်းအိမ်ကွင်းကို အဝေးကွင်းပွဲစဉ် သွားကစားရမှာဖြစ်ပြီး ပရီးမီးယားလိဂ်မှာလည်း အဝေးကွင်းပွဲစဉ်အဖြစ် ဗီလာအသင်းရဲ့အိမ်ကွင်းမှာ သွားကစားရဖို့ ရှိနေပါတယ်။ (NVS 008)
