European ဘင်တန်ဝိတ်တန်း ချန်ပီယံစိန်ခေါ်ပွဲအဖြစ် လက်ရှိချန်ပီယံ ကင်မရွန်းလက်ဝှေ့သမား အက်ဆွမ်ဘာ နှင့် စိန်ခေါ်သူ အင်္ဂလန်လက်ဝှေ့သမား အက်ဝက်ဒ် တို့ အင်္ဂလန်နိုင်ငံ၊ လန်ဒန်မြို့မှာ ယှဉ်ပြိုင် ထိုးသတ်ခဲ့ရာ အက်ဝက်ဒ် ကဒိုင်အမှတ်ဖြင့် အနိုင်ရရှိကာ European ဘင်တန်ဝိတ်တန်းချန်ပီယံဆုကို ဆွတ်ခူး နိုင်ခဲ့ပါတယ်။ လက်ရှိချန်ပီယံ အက်ဆွမ်ဘာ အနေနဲ့ အက်ဝက်ဒ် ကို ဖိအားပေးထိုးသတ်နိုင်ခဲ့သော်လည်း အက်ဆွမ်ဘာ ရဲ့အမှားကို စောင့်ဆိုင်းကာ ရလာသည့်အခွင့်အရေးကို အကောင်းဆုံးအသုံးချနိုင်ခဲ့တဲ့ အက်ဝက်ဒ် က အနိုင် ရလဒ်ကို စွမ်းဆောင်နိုင်ခဲ့ပါတယ်။ အက်ဆွမ်ဘာ က နည်းဗျူဟာကောင်းတဲ့ လက်ဝှေ့သမားတစ်ဦး ဖြစ်တဲ့အတွက် အက်ဆွမ်ဘာ ကိုအနိုင်ရအောင် ထိုးသတ်နိုင်ရေးက ခက်ခဲမှုများစွာခဲ့ကြောင်း အက်ဝက်ဒ် က ပွဲအပြီးမှာ ဝန်ခံ ပြောကြားခဲ့ပါတယ်။ (NVS 008)