“လေဗာကူဆင်အသင်းနဲ့ ပွဲစဉ်မှာ ဒဏ်ရာရရှိခဲ့တဲ့ ဟယ်ရီကိန်း”
30 Sep
ဘွန်ဒက်လီဂါအမှတ်ပေးပြိုင်ပွဲအဖြစ် ကစားခဲ့တဲ့ ဘိုင်ယန်မြူးနစ်အသင်းနဲ့ လေဗာကူဆင်အသင်းတို့ ပွဲစဉ်မှာ တိုက်စစ်မှူး ဟယ်ရီကိန်း ဒဏ်ရာရရှိခဲ့ကြောင်း အသင်းတာဝန်ရှိသူများက ပြောကြားခဲ့ပါတယ်။ အဆိုပါပွဲစဉ်မှာ ဟယ်ရီကိန်း ဟာ ဘိုင်ယန်မြူးနစ်အသင်းတိုက်စစ်ကို ဦးဆောင်လာခဲ့ပြီး ပွဲချိန် ၈၆ မိနစ်မှာ ခြေဖနောင့်ဒဏ်ရာရရှိခဲ့လို့ အသင်းဖော် သောမတ်မူလာ နဲ့ လူစားလဲခဲ့ရပါတယ်။ လက်ရှိမှာ ဟယ်ရီကိန်း ရဲ့ ဒဏ်ရာ အခြေအနေကို လိုအပ်သည့် စစ်ဆေးမှုများ ပြုလုပ်လျက်ရှိပြီး အသင်းဆရာဝန်များက ပြင်းထန်သည့် လက္ခဏာမဟုတ်ကြောင်း ပြောကြားထားသော်လည်း အတိအကျမသိရသေးလို့ ရက်ပိုင်းအတွင်း ဆက်လက် စောင့်ကြည့်၍ ထပ်မံထုတ်ပြန်သွားမည်ဖြစ်ကြောင်း သိရပါတယ်။ ဟယ်ရီကိန်း အနေနဲ့ ဘွန်ဒက်လီဂါပွဲစဉ်ငါးပွဲ ကစားအပြီးမှာ သွင်းဂိုး ၁၀ ဂိုးအထိ သွင်းယူကာ သွင်းဂိုးအများဆုံး ကစားသမားအဖြစ် ဦးဆောင်နေသူဖြစ်ပြီး ချန်ပီယံလိဂ် ပြိုင်ပွဲမှာလည်း အသင်းအတွက် လေးဂိုးသွင်းယူထားနိုင်ပါတယ်။ (NVS 008)
