အီတလီဂိုးသမား ဒွန်နာရမ်မာ၏ အေးဂျင့်ဖြစ်သူက PSG အသင်းနဲ့ သက်တမ်းတိုးစာချုပ်ချုပ်ဆိုရန် ဆွေးနွေးနေကြောင်း သိရပါတယ်။ ဒွန်နာရမ်မာ ဟာ PSG အသင်းနဲ့ ၂၀၂၆ ခုနှစ်အထိ စာချုပ်ချုပ်ဆိုထားသူဖြစ်ပြီး ပြင်သစ်လိဂ်တွင် ဆက်လက် ယှဉ်ပြိုင်ကစားသွားရန် ဆန္ဒရှိနေတဲ့အတွက် အေးဂျင့်ဖြစ်သူက စာချုပ်သစ်အတွက် ဆွေးနွေးနေခြင်းဖြစ်ကြောင်း သိရပါတယ်။ အသက် ၂၅ နှစ်အရွယ် အီတလီလက်ရွေးစင်ဂိုးသမား ဒွန်နာရမ်မာ အနေနဲ့ ၂၀၂၁ နွေရာသီအပြောင်းအရွှေ့ ကာလတွင် အေစီမီလန်အသင်းနှင့် စာချုပ်သက်တမ်းကုန်ဆုံးပြီးနောက် PSG အသင်းထံသို့ ပြောင်းရွှေ့ကြေး အလွတ်ဖြင့် ရောက်ရှိလာခဲ့သူဖြစ်ပါတယ်။ PSG အသင်းကို စရောက်ကတည်းက အသင်းရဲ့ နံပါတ်(၁)ဂိုးသမားအဖြစ် ရပ်တည်နေသူဖြစ်ပြီး ၃ ရာသီကျော်ကာလအတွင်း ပြိုင်ပွဲစုံ ၁၁၈ ပွဲ ကစားထားတာဖြစ်ပါတယ်။(NVS 008)