စက်တင်ဘာလ ၂၇ ရက်မှာ ကျင်းပမယ့် ONE Friday Fights-81 မှာ မြန်မာ့လက်ဝှေ့ကျော်နှစ်ဦးဖြစ်တဲ့ စိုးလင်းဦးနှင့် သန့်ဇင်တို့ ပါဝင်တဲ့ပွဲစဉ်များ ယှဉ်ပြိုင်ကြမှာ ဖြစ်ပါတယ်။ မြန်မာစံတော်ချိန် ည ၇ နာရီမှာ စတင်ကျင်းပမယ့် ONE Friday Fights-81 မှာ တာခဲရု - သန့်ဇင်ပွဲက တတိယမြောက်ပွဲစဥ်အဖြစ်ယှဉ်ပြိုင်မှာဖြစ်ပြီး နာဘီးလ်အာနန် - စိုးလင်းဦး ပွဲစဉ်ကတော့ ၁၀ ပွဲမြောက်ပွဲစဥ်အဖြစ် ထိုးသတ်ကြမှာ ဖြစ်တယ်လို့ သိရပါတယ်။ စိုးလင်းဦးက ONE ရဲ့စီစဉ်မှုနဲ့ သုံးပွဲထိုးသတ်ထားရာ သုံးပွဲစလုံး အလဲထိုးနဲ့ အနိုင်ရရှိခဲ့ထားပါတယ်။ သန့်ဇင် ကလည်း ONE ရဲ့စီစဉ်မှုနဲ့ နှစ်ပွဲထိုးသတ်ထားရာ နှစ်ပွဲစလုံး အလဲထိုးနဲ့ အနိုင်ရရှိထားပါတယ်။ (NVS 008)