“ဂရင်းဝုဒ် ကို ခေါ်ယူဖို့အပြိုင်ပစ်မှတ်ထားနေတဲ့ ဘာစီလိုနာအသင်းနှင့် အက်သလက်တီကိုအသင်း”
25 Sep
စပိန်ထိပ်သီးကလပ်အသင်းများဖြစ်တဲ့ ဘာစီလိုနာအသင်းနှင့် အက်သလက်တီကိုအသင်းတို့က မာဆေးလ် အသင်းမှာ ခြေစွမ်းပြဂိုးများသွင်းယူနေတဲ့ အင်္ဂလန်တောင်ပံကစားသမား မေဆန်ဂရင်းဝုဒ် ကို ခေါ်ယူရန်အတွက် အပြိုင်ပစ်မှတ်ထားနေကြတယ်လို့ သိရပါတယ်။ ဂရင်းဝုဒ် ဟာ ပြီးခဲ့တဲ့ ၂၀၂၃ -၂၄ ရာသီက လာလီဂါကလပ် ဂီတာဖေးအသင်းမှာ အငှားသွားရောက် ကစားခဲ့သလို၊ ၂၀၂၄ နွေရာသီအပြောင်းအရွှေ့ကာလတွင် ပြင်သစ်ကလပ် မာဆေးလ်အသင်းထံ အပြီးသတ် ပြောင်းရွှေ့ခဲ့တာ ဖြစ်ပါတယ်။ ဂရင်းဝုဒ်သည် မာဆေးလ်အသင်းအတွက် ယခုရာသီ ပြင်သစ်လီဂူးပွဲစဉ် ၅ ပွဲကစားပြီးချိန်မှာ ၅ ဂိုးအထိ သွင်းယူပေးထားတာကြောင့် ထိပ်တန်းအသင်းများ၏ စိတ်ဝင်စားခြင်းကို ခံနေရတာ ဖြစ်ပါတယ်။ ဂရင်းဝုဒ် က မာဆေးလ်အသင်းနှင့် ၂၀၂၉ နွေရာသီအထိ စာချုပ်ချုပ်ဆိုထားသူဖြစ်ပြီး ၎င်းအားခေါ်ယူရန်အတွက် ပြောင်းရွှေ့ကြေး အနည်းဆုံး ယူရိုသန်း ၄၀ အထိ အသုံးပြုရဖွယ်ရှိနေကြောင်း သိရပါတယ်။ (NVS 008)
