သီတဂူဆရာတော်ကြီး ဒေါက်တာ ဘဒ္ဒန္တဉာဏိဿရ က နေပြည်တော်၊ တိုင်းဒေသကြီးနှင့်ပြည်နယ် ၉ ခုရှိ မြို့နယ် ၅၄ မြို့နယ်မှ ရေဘေးသင့်ပြည်သူများရဲ့ ကူညီကယ်ဆယ်ရေးနှင့်ပြန်လည်ထူထောင်ရေးလုပ်ငန်းများ ဆောင်ရွက်ရန် ကရုဏာအလှူတော်ငွေ အမေရိကန်ဒေါ်လာ ၁၀,၀၀၀ ကိုပေးအပ်လှူဒါန်းခဲ့တယ်လို့ သိရပါတယ်။ သီတဂူဆရာတော်ကြီးက စက်တင်ဘာလ ၂၄ ရက်မွန်းလွဲပိုင်းမှာ ကရုဏာအလှူတော်ငွေကို အခမ်းအနားနဲ့ ပေးအပ်လှူဒါန်းခဲ့ရာ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီဥက္ကဋ္ဌ၊ နစကဒုတိယဥက္ကဋ္ဌ၊ ဒုတိယ ဝန်ကြီးချုပ်၊ ဒုတိယဗိုလ်ချုပ်မှူးကြီးစိုးဝင်း ကလက်ခံရယူ၍ အနုမောဒနာဂုဏ်ပြုမှတ်တမ်းလွှာ ပြန်လည် ဆက်ကပ် ခဲ့တယ်လို့ သိရပါတယ်။ ဒါ့အပြင်ရေဘေးသင့်ပြည်သူများအတွက် "ကွန်းခိုရာ"ကုမ္ပဏီမိသားစုကလည်း အလှူတော် ငွေကျပ်သိန်း ၁,၀၀၀ ကိုပေးအပ်လှူဒါန်းခဲ့ပါတယ်။ (NVS 003)