“အီတလီနည်းပြ အယ်လီဂရီ ကို စောင့်ကြည့်နေတဲ့ မန်ယူအသင်း”
24 Sep
မန်ယူအသင်းက လက်ရှိနည်းပြဖြစ်တဲ့ ဒတ်ချ်လူမျိုးနည်းပြ အဲရစ်တန်ဟက်ဂ် ရဲ့ နေရာမှာ အစားထိုးရန် အတွက် အသင်းလက်မဲ့ဖြစ်နေတဲ့ အီတလီလူမျိုးနည်းပြ အယ်လီဂရီ ကို စောင့်ကြည့်နေတယ်လို့ သိရပါတယ်။ လက်ရှိနည်းပြ အဲရစ်တန်ဟက်ဂ် က မန်ယူအသင်းကို ၂၀၂၂-၂၃ ရာသီက စတင်ကိုင်တွယ်ခဲ့ပြီး ပြီးခဲ့တဲ့ ၂ ရာသီ အတွင်း လိဂ်ဖလားနှင့် FA ဖလားချန်ပီယံဆုတို့ ရယူနိုင်ခဲ့ပေမယ့် မန်ယူအသင်းအနေနဲ့ ရလဒ်မတည်ငြိမ်မှုများ နှင့်အတူ ရုန်းကန်နေရတဲ့အတွက် နည်းပြအပြောင်းအလဲလုပ်ဖွယ်ရှိကြောင်း သတင်းများထွက်ပေါ်နေခြင်း ဖြစ်ပါ တယ်။ ဒါကြောင့် နည်းပြလောကထဲကို ပြန်လည်ဝင်ရောက်ဖို့ စဉ်းစားနေတဲ့ အယ်လီဂရီ ကို ခေါ်ယူဖို့အတွက် စောင့်ကြည့်နေတာဖြစ်တယ်လို့ သိရပါတယ်။ အယ်လီဂရီ ဟာ ပြီးခဲ့တဲ့ မေလအတွင်းက ဂျူဗင်တပ်စ်အသင်းနဲ့ လမ်းခွဲခဲ့ပြီးနောက် အသင်းလက်မဲ့ဖြစ်နေခဲ့တာ ဖြစ်ပါတယ်။ (NVS 008)
24 Sep
