ချဲလ်ဆီးနည်းပြ မာရက်စကာ ဟာ မန်စီးတီးနည်းပြ ဂွါဒီယိုလာနောက်ပိုင်း ပွဲဦးထွက်ပရီးမီးယားလိဂ် အဝေးကွင်း ၃ ပွဲဆက် အနိုင်ရရှိတဲ့ ပထမဆုံးနည်းပြအဖြစ် မှတ်တမ်းဝင်ခဲ့တယ်လို့ သိရပါတယ်။ ချဲလ်ဆီးအသင်းဟာ ယခုတစ်ပတ် ပရီးမီးယားလိဂ်ပွဲစဉ်တွင် ဝက်စ်ဟမ်းအသင်းကို အဝေးကွင်းမှာ ၃ဂိုးပြတ်နဲ့ အနိုင်ရရှိခဲ့တဲ့အတွက် မာရက်စကာ အနေနဲ့ မှတ်တမ်းကောင်းတစ်ခု ရရှိခဲ့တာ ဖြစ်ပါတယ်။ နည်းပြ မာရက်စကာ က ယခုရာသီမှာ ချဲလ်ဆီးအသင်းကို စတင်တာဝန်ယူကိုင်တွယ်ခဲ့ပြီး ပရီးမီးယားလိဂ် ၅ ပွဲယှဉ်ပြိုင်ရာမှာ ၃ ပွဲနိုင်၊ ၁ ပွဲသရေ၊ ၁ ပွဲရှုံးနိမ့်ထားတာ ဖြစ်ပါတယ်။လက်ရှိရာသီမှာ ချဲလ်ဆီးအသင်းဟာ အိမ်ကွင်းပွဲစဉ်မှာ ၁ ပွဲရှုံး၊ ၁ ပွဲသရေကျခဲ့ပေမယ့် အဝေးကွင်း ၃ ပွဲစလုံး ရာနှုန်းပြည့် အနိုင်ရခဲ့တာ ဖြစ်ပါတယ်။ (NVS 008)