ရေကြီးမြေပြိုမှုများ ဖြစ်ခဲ့ရတဲ့ ရှမ်းပြည်နယ်တောင်ပိုင်း၊ ကလောမြို့နယ်မှာ ဓာတ်အားပြတ်တောက်မှုများ ဖြစ်ပေါ်ခဲ့ခြင်းများအတွက် မြို့ပေါ်မှာ ၈၅ ရာခိုင်နှုန်းခန့် ဓာတ်အားပြန်လည်ဖြန့်ဖြူးပေးနိုင်ပြီဖြစ်တယ်လို့ သိရပါတယ်။ ရေကြီးမြေပြိုမှုများ ဖြစ်ခဲ့ပြီးနောက် ပြန်လည်ထူထောင်ရေးလုပ်ငန်းများ ဆောင်ရွက်ခဲ့ရာ စက်တင်ဘာလ ၂၁ ရက်မှစတင်ကာ ကလောမြို့ပေါ်ရှိ လျှပ်စစ်မီးအသုံးပြုသူ ၈၅ ရာခိုင်နှုန်းကို ဓာတ်အားပြန်လည် ဖြန့်ဖြူးပေးနိုင်ခဲ့ခြင်း ဖြစ်ပါတယ်။ ကလောမြို့နယ်မှာ ရေကြီးရေလျှံမှုများကြောင့် ၃၃ ကေဗွီ ရေပေါင်းစုံ-ပြည်ညောင်-နမ့်ပန်တက် ဓာတ်အား လိုင်း ၅ မိုင်ခန့်၊ ၁၁ ကေဗွီလိုင်း ၁ ဒသမ ၃ မိုင်ခန့်၊ ၄၀၀ ဗို့ဓာတ်အားလိုင်း ၀ ဒသမ ၈၅ မိုင်ခန့် ယိုင်လဲပျက်စီးခဲ့ပြီး ၁၁/၀ ဒသမ ၄ ကေဗွီ ထရန်စဖော်မာ ၁၀ လုံးခန့်နှင့် ၄၀၀ ဗို့ Panel ၇ လုံးခန့် ရေနစ်မြုပ်ခြင်းများ ဖြစ်ပေါ်ခဲ့တယ်လို့ သိရပါတယ်။ (NVS 003)