တောင်ကိုရီးယားနိုင်ငံ ဆိုးလ်မြို့မှာကျင်းပနေတဲ့ Korea Open တင်းနစ်ပြိုင်ပွဲ ကွာတားဖိုင်နယ်အဆင့် ပွဲစဉ်တစ်ပွဲအဖြစ် ဗြိတိန်တင်းနစ်မယ် အမ်မာရာဒူကာနူ နဲ့ ရုရှားတင်းနစ်မယ် ကာဆက်ကီနာ တို့ ယှဉ်ပြိုင်ကစားခဲ့ရာ ကာဆက်ကီနာ က အနိုင်ရရှိကာ ဆီမီးဖိုင်နယ်သို့ တက်ရောက်သွားခဲ့ပါတယ်။ အမ်မာရာဒူကာနူ နဲ့ ကာဆက်ကီနာ တို့ပွဲစဉ်မှာ ကာဆက်ကီနာ က ပထမပွဲငယ်မှ (၆-၁)ရလဒ်ဖြင့် ဦးဆောင် ထားနိုင်ခဲ့ပြီး ရာဒူကာနူ က ခြေဖဝါးဒဏ်ရာရရှိခဲ့လို့ ဒုတိယပွဲငယ်ကို ဆက်လက်ကစားနိုင်ခဲ့ခြင်းမရှိတော့ဘဲ ပြိုင်ပွဲက နုတ်ထွက်ရန် ဆုံးဖြတ်ခဲ့တာကြောင့် ကာဆက်ကီနာ က ဆီမီးဖိုင်နယ်သို့ တက်ရောက်နိုင်ခဲ့ပါတယ်။ ရာဒူကာနူ ဟာ ဒုတိယအဆင့်ပွဲစဉ် ကစားခဲ့စဉ်ကလည်း ခြေဖဝါးဒဏ်ရာကြောင့် ပွဲကစားနေစဉ် ဆေးကုသမှုများ ခံယူခဲ့ရပြီးမှ ဆက်လက်ယှယ်ပြိုင်ကစားခဲ့တာဖြစ်ပါတယ်။ သူ့အနေနဲ့ ကွာတားဖိုင်နယ်အဆင့် ပွဲစဉ်မှာ ဆေးကုသမှုခံယူကာ ဆက်လက်ကစားနိုင်ရန် ကြိုးပမ်းခဲ့ပေမယ့် ဒဏ်ရာမှာ ပွဲကစားနိုင်လောက်သည့် အခြေအနေမျိုးတွင် ရှိမနေတဲ့အတွက် ပြိုင်ပွဲမှနုတ်ထွက်ရန် ဆုံးဖြတ်ခဲ့ခြင်းဖြစ်ကြောင်း သိရပါတယ်။(NVS 008)