“ယာမယ် ကို မက်ဆီနဲ့ နှိုင်းယှဉ်ချီးကျူးစကားပြောခဲ့တဲ့ ဂျီရိုနာနည်းပြ”
17 Sep
ဂျီရိုနာအသင်းနဲ့ ကစားခဲ့တဲ့ပွဲစဉ်မှာ ခြေစွမ်းပြနိုင်ခဲ့တဲ့ ဘာစီလိုနာအသင်းရဲ့ စပိန်တောင်ပံကစားသမား ယာမယ် ကို ဂျီရိုနာနည်းပြ မစ်ချယ် က ပွဲအပြီးမှာ ချီးကျူးသွားခဲ့တာ ဖြစ်ပါတယ်။ ယာမယ် ဟာ ဂျီရိုနာအသင်းနဲ့ ကစားခဲ့တဲ့ပွဲစဉ်မှာ ခြေစွမ်းပြနိုင်ခဲ့သလို ဘာစီလိုနာအသင်းအတွက် သွင်းဂိုး ၂ ဂိုးကို သွင်းယူနိုင်ခဲ့တာ ဖြစ်ပါတယ်။ ယာမယ် က ပွဲရလဒ်ကို ပြောင်းလဲအောင် လုပ်ဆောင်ပေးနိုင်စွမ်းရှိသလို အသက် ၁၇ နှစ်အရွယ်မှာတင် အကောင်းဆုံးကစားသမားတွေထဲက တစ်ယောက်ဖြစ်နေပြီလို့ ဂျီရိုနာနည်းပြ မစ်ချယ် က ပွဲအပြီးမှာ ပြောကြား ခဲ့ပါ တယ်။ ဘာစီလိုနာအသင်းမှာ မက်ဆီ လိုမျိုး အကောင်းဆုံးကစားသမားတစ်ယောက်ကို အခုနောက်ပိုင်းမှာ မမြင် တွေ့ခဲ့ရပေမယ့် ယာမယ် က မက်ဆီလိုဖြစ်လာနိုင်တယ်လို့လည်း နည်းပြမစ်ချယ်က ဆက်လက်ပြောကြား ခဲ့ပါတယ်။ ယာမယ်ဟာ ဂျီရိုနာအသင်းကို ၄ ဂိုး၊ ၁ ဂိုးနဲ့အနိုင်ရရှိခဲ့တဲ့ပွဲစဉ်မှာ အသင်းအတွက် ၂ ဂိုးသွင်းယူနိုင်ခဲ့ပြီးနောက် အခုရာသီ လာလီဂါ ၅ ပွဲကစားပြီးချိန်မှာ ၃ ဂိုးသွင်းယူကာ ၄ ဂိုးအထိ ဖန်တီးနိုင်ခဲ့ပြီဖြစ်ပါတယ်။ (NVS 008)
