“ဘွန်ဒစ်လီဂါ ၃၅ ပွဲတွင် ဂိုးပါဝင်ပတ်သက်မှု ၅၁ ဂိုးအထိရှိလာတဲ့ ဟာရီကိန်း”
16 Sep
ဘိုင်ယန်မြူးနစ်အသင်းတိုက်စစ်မှူး ဟာရီကိန်း က ဟော်စတိုင်ကီလ်အသင်းနှင့်ပွဲစဉ်မှာ ဟက်ထရစ်သွင်းယူ ပြီးနောက် ဘွန်ဒစ်လီဂါ ၃၅ ပွဲမှာ ဂိုးပါဝင်ပတ်သက်မှု ၅၁ ဂိုးအထိရှိလာပြီး ဟာလန်းတင်ရှိထားသည့် စံချိန်ကို ကျော်ဖြတ်နိုင်ခဲ့တယ်လို့ သိရပါတယ်။ စက်တင်ဘာလ ၁၄ ရက်က ယှဉ်ပြိုင်ကစားတဲ့ ဘွန်ဒစ်လီဂါပွဲစဉ် (၃) မှာ ဘိုင်ယန်မြူးနစ်အသင်းက တန်းတက်ဟော်စတိုင်ကီလ် အသင်းကို အဝေးကွင်းမှာ ၆ ဂိုးပြတ်အနိုင်ရရှိခဲ့တာ ဖြစ်ပါတယ်။ ဟာရီကိန်း က ပွဲအစ ၁၃ စက္ကန့်မှာပင် မူဆီယာလာသွင်းယူတဲ့ သွင်းဂိုးကို ဖန်တီးပေးနိုင်ခဲ့သလို သွင်းဂိုး ၃ ဂိုးနဲ့ ဟက်ထရစ် သွင်းယူခဲ့ခြင်း ဖြစ်ပါတယ်။ အာလင်းဟာလန်း က ၄၄ ပွဲနဲ့ မှတ်တမ်းတင်ထားနိုင်ခဲ့တာဖြစ်ပြီး ဟာရီကိန်း က ၃၅ ပွဲကစားအပြီးမှာပင် ကျော်ဖြတ်၍ စံချိန်သစ်တင်ခဲ့ခြင်း ဖြစ်ပါတယ်။ (NVS 008)
16 Sep
