မြန်မာကြက်တောင်အားကစားမယ် သက်ထားသူဇာ ဟာ ဟောင်ကောင်အိုးပင်းကြက်တောင်ပြိုင်ပွဲမှာ ဝင်ရောက်ယှဉ်ပြိုင်ခဲ့ရာ ဒုတိယအဆင့်မှထွက်ခဲ့ရတယ်လို့ သိရပါတယ်။ သက်ထားသူဇာ က ယခုလအတွင်း ဒုတိယမြောက် BWF ပြိုင်ပွဲအဖြစ် ဟောင်ကောင်အိုးပင်းပြိုင်ပွဲမှာ ဝင်ရောက်ယှဉ်ပြိုင်ခြင်းဖြစ်ပါတယ်။ သက်ထားသူဇာ က ယင်းပြိုင်ပွဲမှာ ပထမအဆင့်မှ စတင်ယှဉ်ပြိုင်ရပြီး လက်ရည် စစ်ပွဲအောင်မြင်လာတဲ့ အိမ်ရှင်ဟောင်ကောင်ကြက်တောင်အားကစားမယ် လိုင်ကာဝင်နှင့်တွေ့ဆုံရာ နှစ်ပွဲပြတ် အနိုင်ရခဲ့ပါတယ်။ သက်ထားသူဇာ က ပထမပွဲငယ်တွင် ၂၁-၁၈ မှတ်၊ ဒုတိယပွဲငယ်တွင် ၂၁-၁၄ မှတ်ဖြင့် အနိုင်ရခဲ့ခြင်း ဖြစ်ပါတယ်။ ဒုတိယအဆင့်မှာ သက်ထားသူဇာ က ဂျပန်နိုင်ငံသူ မီယာဇာကီနှင့်တွေ့ဆုံခဲ့တာဖြစ်ပြီး အဆိုပါပွဲစဉ်မှာ ၂၁-၁၃ မှတ်၊ ၁၂- ၂၁ မှတ်၊ ၁၂- ၂၁ မှတ်နဲ့ သက်ထားသူဇာ က ရှုံးနိမ့်ခဲ့တာ ဖြစ်ပါတယ်။ သက်ထားသူဇာ ဟာ ဟောင်ကောင် အိုးပင်းပြိုင်ပွဲမတိုင်မီ တရုတ်တိုင်ပေမှာ ကျင်းပတဲ့ တိုင်ပေအိုးပင်းပြိုင်ပွဲမှာ ဝင်ရောက်ယှဉ်ပြိုင်ရာ ပထမအဆင့်မှ ထွက်ခဲ့ရတာ ဖြစ်ပါတယ်။ သက်ထားသူဇာ ဟာ ယခုလအတွင်းကျင်းပမည့် BWF ပြိုင်ပွဲနှစ်ခုတွင် ထပ်မံယှဉ်ပြိုင်မှာ ဖြစ်ကြောင်း သိရပါတယ်။ (NVS 008)