၂၀၃၃ ခုနှစ်အထိ ဂျက်ဆန်ကို စာချုပ်သက်တမ်းတိုး
15 Sep
ချယ်လ်ဆီးအသင်းဟာ အသင်းရဲ့တိုက်စစ်မှူး ဂျက်ဆန်ကို ၂၀၃၃ ခုနှစ်အထိသက်တမ်းရှိတဲ့ စာချုပ်သစ် ချုပ်ဆိုနိုင်ခဲ့ပြီလို့ စက်တင်ဘာလ ၁၃ရက်နေ့က တရားဝင်ကြေညာသွားပါတယ်။ ချယ်လ်ဆီးအသင်းနဲ့ ဂျက်ဆန်ရဲ့ စာချုပ်သက်တမ်းက ၂၀၃၁ ခုနှစ်အထိရှိနေပေမယ့် နောက်ထပ် ၂ နှစ်သက်တမ်းတိုးစာချုပ်ကို ထပ်မံချုပ်ဆိုခဲ့တာ ဖြစ်ပါတယ်။ ပြီးခဲ့တဲ့နှစ် နွေရာသီအပြောင်းအရွှေ့က ဂျက်ဆန် ဟာ ဗီလာရီးရဲလ်အသင်းကနေ ချယ်လ်ဆီးအသင်းကို ပြောင်းရွှေ့ကြေး ပေါင် ၃၂ သန်းနဲ့ ရောက်ရှိလာခဲ့တာဖြစ်ပါတယ်။ ပြီးခဲ့တဲ့နှစ် ပရီးမီးယားလိဂ်ပြိုင်ပွဲမှာ ဂျက်ဆန်က ချယ်လ်ဆီးအသင်းအတွက် ၁၄ ဂိုးထိသွင်းယူပေးနိုင်ခဲ့သလို အခုဘောလုံးရာသီမှာလည်း ပြိုင်ပွဲစုံ ၄ ပွဲ ကစားပြီးချိန် မှာ ၂ ဂိုးသွင်းယူကာ ၁ ဂိုးဖန်တီးနိုင်ခဲ့ပါတယ်။ အသင်းမှာ ကစားရတာကိုပျော်ရွှင်နေတဲ့အတွက် အခုလိုစာချုပ်သစ်ကို ချုပ်ဆိုခဲ့တာဖြစ်တယ်လို့ ချယ်လ်ဆီးအသင်းတိုက်စစ်မှူး ဂျက်ဆန်က အသင်းနဲ့ စာချုပ်သက်တမ်းတိုးခဲ့အပြီးမှာ ပြောကြားသွားခဲ့ပါတယ်။(NVS 008)
