ရုရှားနှင့်ယူကရိန်းတို့က စက်တင်ဘာလ ၁၄ ရက်တွင် စစ်သုံ့ပန်း ၁၀၃ ဦးစီကို အပြန်အလှန်လဲလှယ်‌ ကြောင်း နှင့်အဆိုပါလဲလှယ်မှုသည် နှစ်နိုင်ငံကြား သဘောတူညီချက်ရရှိသည့် ရှားပါြဖစ်စဉ်တစ်ခုဖြေစ်ကြောင်း သိရသည်။ ယခုကဲ့သို့ နှစ်နိုင်ငံကြားသဘောတူညီချက်ရရှိစေရန် အာရပ်စော်ဘွားများပြည်ထောင်စုက ကြားဝင် စေ့စပ်ညှိနှိုင်းပေးခြင်း ဖြစ်သည်။ ရုရှားက ပြန်လွှတ်ပေးသည့် ယူကရိန်း စစ်သုံ့ပန်းများက ယူကရိန်းက ခု(စ်) ဒေသ ကို ကျူးကျော်တိုက်ခိုက်စဉ် အဖမ်းခံရသူများနှင့် ရုရှားက အာဇော့စတယ် သံမဏိစက်ရုံကို သိမ်းပိုက်စဉ် အဖမ်းခံ ရသူများ ဖြစ်ကြောင်း ရုရှားအစိုးရက ထုတ်ပြန်ထားသည်။ တစ်ချိန်တည်းမှာပင် ရုရှားစစ်သည် ၁၀၃ ဦးကိုလည်း ယူကရိန်းက ပြန်လွှတ်ပေးလိုက်ပြီး ယခုအခါ ထို စစ်သည်များမှာ ဘယ်လာရု(စ်)နိုင်ငံ၌ ရှိနေကြောင်းနှင့် ၎င်းတို့ကို လိုအပ်သော ကျန်းမာရေးစစ်ဆေးမှုများပေးကာ ဆွေမျိုးများနှင့်လည်း ဆက်သွယ်ခွင့်ပေးထားကြောင်း ရုရှားကာကွယ်ရေးဝန်ကြီးဌာနက ထုတ်ပြန်ထားသည်။ ယူကရိန်းဘက်သို့ ပြန်လွတ်လာသူများတွင် တပ်သားနှင့်တပ်ကြပ်ကြီးအဆင့်ရှိသူ ၈၂ ဦးနှင့် အရာရှိအဆင့်ရှိသူ ၂၁ ဦးတို့ ပါဝင်ကြောင်း ယူကရိန်းသမ္မတ ဇာလန်းစကီး က တယ်လီဂရမ်တွင် ရေးသားထားသည်။ ရုရှားနိုင်ငံနှင့် ယူကရိန်းနိုင်ငံတို့သည် အာရပ်စော်ဘွားများ ပြည်ထောင်စု ဆော်ဒီအာရေဗျ၊ တူကီယဲနိုင်ငံတို့၏ ကြားဝင် စေ့စပ် ပေးမှုများဖြင့် ၎င်းတို့နှစ်နိုင်ငံကြား စစ်သုံ့ပန်းရာပေါင်းများစွာကို အပြန်အလှန်လဲလှယ်ထားနိုင်သည်ကို တွေ့ရ ကြောင်း Sputnik သတင်းဌာနဖော်ြပချက်အရ သိရသည်။