အေစီမီလန်အသင်းရဲ့ နည်းပြဟောင်း ပီအိုလီ က ဆော်ဒီကလပ် အယ်လ်နာဆာအသင်းရဲ့ နည်းပြသစ် ဖြစ်လာရန် နီးစပ်နေတယ်လို့ သိရပါတယ်။ အသက် ၅၈ နှစ်အရွယ် ရှိပြီဖြစ်တဲ့ ပီအိုလီ က ၂၀၂၁- ၂၂ ရာသီမှာ အေစီမီလန်အသင်းကို စီးရီးအေ ချန်ပီယံဆု ရရှိအောင် စွမ်းဆောင်ပေးနိုင်ခဲ့သူဖြစ်ပြီး ပြီးခဲ့တဲ့ နွေရာသီမှာ အသင်းနှင့် လမ်းခွဲခဲ့တာ ဖြစ်ပါတယ်။ အခုအချိန်မှာ အသင်းလက်မဲ့ဖြစ်နေခဲ့တဲ့ ပီအိုလီကို ဆော်ဒီကလပ်အသင်းများက ခေါ်ယူရန် စိတ်ဝင်စားနေခဲ့ပြီး လောရင့်ဘလန့် ကို နည်းပြသစ်အဖြစ် ခန့်အပ်ခဲ့တဲ့ အယ်လ်အစ်တီဟတ်အသင်းကလည်း ခေါ်ယူဖို့ စိတ်ဝင်စားခဲ့တာ ဖြစ်ပါတယ်။ အယ်လ်နာဆာအသင်းက လက်ရှိနည်းပြ လူးဝစ်ကတ်စထရို ရဲ့နေရာမှာ ပီအိုလီ ကို နည်းပြသစ်အဖြစ် အစားထိုးခန့်အပ်ရန် စီစဉ်နေခြင်းဖြစ်တယ်လို့ သိရပါတယ်။ (NVS 008)