“ယူအက်စ်အိုးပင်းချန်ပီယံဆု ရယူနိုင်ခဲ့တဲ့ ဆင်နာ”
10 Sep
ကမ္ဘာ့အဆင့်(၁) အီတလီတင်းနစ်သမား ဆင်နာ ဟာ ယူအက်စ်အိုးပင်းပြိုင်ပွဲမှာ အကောင်းဆုံးလက်စွမ်းကို ဆက်လက်ထိန်းသိမ်းနိုင်ခဲ့ပြီး ချန်ပီယံဆုကို ရရှိသွားခဲ့ပါတယ်။ ယူအက်စ်အိုးပင်း အမျိုးသားတစ်ဦးချင်း ဗိုလ်လုပွဲမှာ ဆင်နာ ဟာ အမေရိကန်နိုင်ငံသား ဖရစ်ဇ်နဲ့ ရင်ဆိုင်ခဲ့ရတာဖြစ်ပါတယ်။ အမေရိကန်ပရိသတ်တွေဟာ ဂရင်းစလမ်ပြိုင်ပွဲတစ်ခုမှာ အမေရိကန် တင်းနစ်သမားတွေ ၂၁ နှစ်အကြာ အနိုင်မရမှုကို ဖရစ်ဇ် က အဆုံးသတ်ပေးဖို့ မျှော်လင့်ခဲ့ကြပေမဲ့ အခုနှစ်စပိုင်းမှာ ဩစတြေးလျ အိုးပင်းချန်ပီယံဆုကို ရရှိထားတဲ့ ဆင်နာ က အကောင်းဆုံးလက်စွမ်းနဲ့အတူ အမေရိကန်ပရိသတ်တွေရဲ့ မျှော်လင့်ချက်ကို အဆုံးသတ်စေ ခဲ့ပြီး ပွဲအပြီးမှာ ဖရစ်ဇ်ကို ၆း၃၊ ၆း၄၊ ၇း၅ ဆိုတဲ့ ရလဒ်နဲ့အနိုင်ယူခဲ့တာ ဖြစ်ပါတယ်။ အခုပွဲမှာအနိုင်ရပြီး ချန်ပီယံဆုကို ရယူနိုင်ခဲ့တဲ့ ဆင်နာ ကတော့ ယူအက်စ်အိုးပင်းချန်ပီယံဆုကို ရယူနိုင်တဲ့ ပထမဆုံးအီတလီတင်းနစ်သမားဖြစ်လာခဲ့သလို ကစားသမားဘဝ ဒုတိယမြောက် ဂရင်းစလမ်ချန်ပီယံဆုကို ရယူနိုင်ခဲ့ တာဖြစ်ပါတယ်။ (NVS 008)
