မန်ယူအသင်းရဲ့ ကွင်းလယ်ကစားသမား ကတ်စမဲရိုး က တူကီယဲကလပ်အသင်းများမှ ကမ်းလှမ်းမှုများ ရရှိခဲ့ပေမယ့် မန်ယူအသင်းမှာသာ ဆက်လက်ကစားသွားရန် ဆုံးဖြတ်ခဲ့တယ်လို့ သိရပါတယ်။ နွေရာသီအပြောင်းအရွှေ့စျေးကွက် မပိတ်သေးတဲ့ တူကီယဲလိဂ်မှ ကလပ်အသင်းများက ကတ်စမဲရိုး ကို ခေါ်ယူဖို့ ကြိုးပမ်းခဲ့ပြီး ဂါလာတာစာရေးအသင်းက ကတ်စမဲရိုး ကို ခေါ်ယူရန် သဘောတူညီမှုရရှိခဲ့ပြီဖြစ်တယ်လို့ သတင်းတွေ ထွက်ပေါ်ခဲ့ပေမယ့် ကတ်စမဲရိုး က ငြင်းပယ်ခဲ့ပြီး မန်ယူအသင်းမှာ ဆက်ကစားသွားရန်သာ ဆုံးဖြတ် ခဲ့ခြင်း ဖြစ်ပါတယ်။ အသက် ၃၂ နှစ်အရွယ်ရှိ ကတ်စမဲရိုး က ပြီးခဲ့တဲ့ ၂၀၂၃-၂၄ ရာသီကတည်းက ခြေစွမ်းကျဆင်းမှုကြောင့် ဝေဖန်မှုများနှင့် ရင်ဆိုင်နေရတာ ဖြစ်ပါတယ်။ (NVS 008)