လီဗာပူးအသင်းရဲ့ နည်းပြဟောင်း ကလော့ပ် ဟာ အသင်းဟောင်းဒေါ့မွန်အသင်းရဲ့ အထိမ်းအမှတ်ပွဲအတွက် စက်တင်ဘာလ ၆ ရက်က ဒေါ့မွန်အသင်းရဲ့လေ့ကျင့်ရေးသို့ ရောက်ရှိလာခဲ့ပါတယ်။ ဒေါ့မွန်အသင်းဟာ အသင်းရဲ့ ကစားသမားဟောင်းတွေဖြစ်ကြတဲ့ ပစ်ဇက်ခ် နဲ့ ဘလာဇီကောစကီး တို့ကို ဂုဏ်ပြုတဲ့အနေနဲ့ အထိမ်းအမှတ်ပွဲလုပ်ဖို့ စီစဉ်ထားခဲ့တာပါ။ အဆိုပါ ကစားသမားတွေက နည်းပြကလော့ပ် ရဲ့ တပည့်တွေလည်းဖြစ်လို့ အထိမ်းအမှတ်ပွဲကို ဂုဏ်ပြုဖို့အတွက် ကလော့ပ် က ဒေါ့မွန်အသင်းရဲ့လေ့ကျင့်ရေးကွင်းကို ရောက်လာခဲ့တာဖြစ်ပါတယ်။ အထိမ်းအမှတ်ပွဲမှာ ပစ်ဇက်ခ် နဲ့ ဘလာဇီကောစကီး တို့က တစ်ဖက်ဆီကစားသွားကြမှာဖြစ်ပြီး ကလော့ပ် က ဘလာဇီကောစကီး ပါဝင်တဲ့အသင်းကို နည်းပြအဖြစ် တာဝန်ယူကိုင်တွယ်သွားမယ်လို့ သိရပါတယ်။ နည်းပြ ကလော့ပ် ဟာ ဒေါ့မွန်အသင်းကို ၂၀၀၈ ခုနှစ်ကနေ ၂၀၁၅ ခုနှစ်အထိ တာဝန်ယူကိုင်တွယ်ခဲ့ပြီး အသင်းနဲ့အတူ ဘွန်ဒက်လီဂါဖလား ၂ လုံးအပါအဝင် ဆုဖလား ၅ လုံး ရယူပေးနိုင်ခဲ့ပါတယ်။(NVS 008)