ကိုဗာစစ် ကို ခေါ်ယူဖို့ကြိုးပမ်းလာတဲ့ အယ်လ်နာဆာအသင်း
07 Sep
ဆော်ဒီကလပ် အယ်လ်နာဆာအသင်းက မန်စီးတီးအသင်းမှ ခရိုအေးရှားကွင်းလယ်ကစားသမား ကိုဗာစစ် ကို ဇန်နဝါရီအပြောင်းအရွှေ့ကာလမှာ ခေါ်ယူနိုင်ဖို့ရန် ပစ်မှတ်ထားနေကြောင်း သိရပါတယ်။ အယ်လ်နာဆာအသင်းက စီရော်နယ်လ်ဒို ရဲ့ တောင်းဆိုမှုကြောင့် ကိုဗာစစ် ကို ဇန်နဝါရီတွင် ခေါ်ယူရန် စီစဉ်ခြင်းဖြစ်ကြောင်း သိရပါတယ်။ အသက် ၃၀ နှစ်အရွယ် ကိုဗာစစ် ကို မန်စီးတီးအသင်းမှာ ရရှိနေတဲ့လစာရဲ့ ၆ ဆပမာဏဖြစ်တဲ့ တစ်ပတ်ယူရို ၉၀၀,၀၀၀ ဝန်းကျင် ပေးချေသွားရန် စီစဉ်နေကြောင်းလည်း သိရပါတယ်။ စီရော်နယ်လ်ဒို က အယ်လ်နာဆာအသင်းအနေနဲ့ ဆော်ဒီပရိုလိဂ်တွင် နေမာ၊ မီထရိုဗစ် နဲ့ မီလင်ကိုဗစ် တို့ ကစားနေတဲ့ အယ်လ်ဟီလာအသင်းကို မယှဉ်နိုင်တဲ့အတွက် ထိပ်တန်းကစားသမား ထပ်မံခေါ်ယူရန် စီစဉ်နေတာ ဖြစ်ပါတယ်။ အယ်လ်နာဆာအသင်းက လာမည့် ၂၀၂၅ ဇန်နဝါရီအပြောင်းအရွှေ့ကာလတွင် ကိုဗာစစ် အပြင် ဥရောပမှ အခြားနာမည်ကျော်ကစားသမားများကိုပါ ခေါ်ယူရန်ပြင်ဆင်လျက်ရှိနေပါတယ်။(NVS 008)
