ကော့သောင်းမြို့မှ ထိုင်းနိုင်ငံ ရနောင်းမြို့သို့ စက်တင်ဘာလ ၂ ရက်မှစတင်ပြီး နယ်စပ်ဖြတ်ကျော် ခွင့်စာအုပ် နဲ့ သွားခွင့်မပြုတော့ဘဲ ပတ်စ်ပို့စာအုပ်နဲ့သာ သွားခွင့်ပြုတော့မှာ ဖြစ်တယ်လို့ သိရပါတယ်။ PV နိုင်ငံကူးလက်မှတ်ကိုင်ဆောင်ပြီး မြဝတီ-မဲဆောက်အမှတ်(၁)တံတားမှ တစ်ဆင့်ထိုင်းနိုင်ငံဘက် ဝင်ရောက်သူ များကို သွားခွင့်မပြုတော့ဘဲ မြဝတီရဲတပ်ဖွဲ့က တားဆီးကာ ပြန်လွတ်နေမှုများရှိနေတယ်လို့ သိရပါတယ်။ ရန်ကုန် အပြည်ပြည်ဆိုင်ရာလေဆိပ်မှာ PV နိုင်ငံကူးလက်မှတ်ကိုင် နိုင်ငံသားများအနေနဲ့ အလည်အပတ် သွားရောက်ရန် လိုအပ်သော အပြန်လေယာဉ်လက်မှတ်၊ သွားရောက်လည်ပတ်မယ့်နိုင်ငံမှာ တည်းခိုနေထိုင်မယ့် Hotel Booking ၊ လည်ပတ်ရန်နေထိုင်စဉ်သုံးစွဲမည့် လုံလောက်သောငွေကြေး(ShowMoney)များပါရှိမှု ရှိ/မရှိစိစစ်ပြီးပါက အမှန်တကယ် အလည်အပတ်သွားရောက်မည့်သူများ၊ ပြည်ပနိုင်ငံများမှာ ဆေးကုသရန်သွားရောက်မည့်သူ/ ဆေးကူဖော်နှင့် လူမှုရေးကိစ္စဆောင်ရွက်မည့်သူများကို ထွက်ခွာခွင့်ပြုလျက်ရှိကြောင်း သိရပါတယ်။ အလည်အပတ် သွားရောက်ရန် ခိုင်လုံသော အကြောင်းပြချက်မရှိဘဲ အလုပ်သွားရောက်လုပ်ကိုင်မည့်သူများကို သက်ဆိုင်ရာနိုင်ငံများရဲ့ အလုပ်သမား အခွင့်အရေးများရရှိရန် passport for job (PJ) အမျိုးအစားနိုင်ငံကူး လက်မှတ်လျှောက်ထားရယူ၍ အလုပ်သမား ဝန်ကြီးဌာန‌မှာ ပြည်ပသို့ထွက်ခွာအလုပ်လုပ်ကိုင်နိုင်ရန်အတွက် OWIC လျှောက်ထားရယူကာ တရားဝင်ပြည်ပ ထွက်ခွာအလုပ်လုပ်ကိုင်ခွင့်ပြုလျက်ရှိတယ်လို့ သိရပါတယ်။ (NVS 003)