ပြီးခဲ့တဲ့ သြဂုတ်လ ၃၀ ရက်က ကျင်းပပြုလုပ်ခဲ့တဲ့ ကမ္ဘောဒီးယားခွန်ခမာပြိုင်ပွဲမှာ မြန်မာ့ရိုးရာလက်ဝှေ့သမား စိုးမိုးဇော် က တရုတ်ဖိုက်တာ ရှီအိုယူ ကို တတိယအချီမှာ ဒိုင်ပွဲရပ်နဲ့ အနိုင်ရရှိခဲ့ပါတယ်။ Boostrong Kun Khmer King of The Ring လို့ အမည်ပေးထားတဲ့ ခွန်ခမာပြိုင်ပွဲကို သြဂုတ်လ ၃၀ ရက်က ကမ္ဘောဒီးယားနိုင်ငံ၊ ဖနွမ်းပင်မြို့မှာ ကျင်းပပြုလုပ်ခဲ့ရာ မြန်မာ့ရိုးရာလက်ဝှေ့သမား စိုးမိုးဇော်နှင့် တရုတ်ဖိုက်တာ ရှီအိုယူ က ၆၃ ဒသမ ၅ ကီလိုတန်းမှာ ခွန်ခမာစည်းမျဉ်းအတိုင်း ၃ မိနစ်၊ ၃ ချီ ယှဉ်ပြိုင်ထိုးသတ်ခဲ့တာ ဖြစ်ပါတယ်။ စိုးမိုးဇော် ရဲ့ ထိုးချက်များကြောင့် အထိနာနေတဲ့ တရုတ်ဖိုက်တာ ရှီအိုယူ က ညာမျက်လုံးပိတ်သွားခဲ့သလို ညာမျက်ခုံး ကွဲသွားတာကြောင့် ဆက်ထိုးရန်မသင့်ဟု ဆုံးဖြတ်ခဲ့အရ စိုးမိုးဇော် က ဒိုင်ပွဲရပ်နဲ့ အနိုင်ရရှိခဲ့တာ ဖြစ်ပါတယ်။ (NVS 008)