မြန်မာပိုက်ကျော်ခြင်း အမျိုးသမီးလက်ရွေးစင်အသင်းအနေနဲ့ အမျိုးသမီးကွင်းသွင်းခြင်းခတ်ကစားနည်း (Women Hoop Event)မှ ငွေတံဆိပ်ဆု တစ်ခုကို ဆွတ်ခူးပေးနိုင်ခဲ့ကြောင်း စက်တင်ဘာလ ၂ ရက်က မြန်မာနိုင်ငံ ပိုက်ကျော်ခြင်းအဖွဲ့ချုပ်က အသိပေးထုတ်ပြန်ထားပါတယ်။မြန်မာအမျိုးသမီးအသင်းအ‌နေနဲ့ ရမှတ် ၇၀၀ နဲ့ ငွေတံဆိပ်ဆုကိုရရှိခဲ့ခြင်းဖြစ်ပါတယ်။ စက်တင်ဘာလ ၂ ရက်က ထိုင်းနိုင်ငံ ဘန်ကောက်မြို့မှာ ကျင်းပနေတဲ့ (၃၇) ကြိမ်မြောက် Thai King's Cup ပိုက်ကျော်ခြင်းပြိုင်ပွဲ အတွင်း ဝင်ရောက်ယှဉ်ပြိုင်နေကြခြင်းဖြစ်ပါတယ်။ ပြိုင်ပွဲမှာ အမျိုးသားပြိုင်ပွဲဝင် ၁၂ ယောက်နှင့် အမျိုးသမီးပြိုင်ပွဲဝင် ၁၂ ယောက်အသင်းတို့အနေနဲ့ ဂျပန်နှင့် ထိုင်းအသင်းတို့ဖြင့် တွေ့ဆုံယှဉ်ပြိုင်နေကြခြင်းဖြစ်ပါတယ်။ မြန်မာနိုင်ငံ ပိုက်ကျော်ခြင်း လက်ရွေးစင်ကစားသမားများက ပြိုင်ပွဲကို စက်တင်ဘာလ ၁ ရက်မှ ၈ ရက်အထိ ယှဉ်ပြိုင်ကစားသွား ကြရမှာဖြစ်တယ်လို့ သိရပါတယ်။ (NVS 008)