“ရှုံးပွဲမရှိစံချိန် ပျက်ပြယ်သွားတဲ့ လေဗာကူဆင်အသင်း”
02 Sep
အလွန်ဆို ရဲ့ လေဗာကူဆင်ကတော့ ဘွန်ဒက်စ်လီဂါမှာ ရှုံးပွဲစတင်ကြုံတွေ့သွားခဲ့ပြီ ဖြစ်ပါတယ်။ ဩဂုတ်လ ၃၁ ရက်က ကစားခဲ့တဲ့ပွဲစဉ်မှာ လိုက်ပ်ဇစ်အသင်းက လေဗာကူဆင်အသင်းရဲ့ အိမ်ကွင်းမှာ ၃ ဂိုး ၂ ဂိုးဆိုတဲ့ ရလဒ်နဲ့ အနိုင်ရရှိခဲ့တာ ဖြစ်ပါတယ်။ အဆိုပါ ပွဲစဉ်မှာ လေဗာကူဆင်အသင်းဟာ အစောပိုင်းပွဲချိန်တွေမှာ ဖိအားပေးကစားထားနိုင်ခဲ့ပြီး ဦးဆောင်ဂိုး ၂ ဂိုးနဲ့ အနိုင်ရရှိခဲ့တာ ဖြစ်ပါတယ်။ ဒါပေမယ့် လိုက်ပ်ဇစ်အသင်းက ပထမပိုင်းပွဲပြီးခါနီမှာ ချေပဂိုးတစ်ဂိုး ပြန်လည် ရရှိခဲ့ပါတယ်။ ဒုတိယပိုင်းပွဲချိန်တွေမှာ လေဗာကူဆင်အသင်းက လိုက်ပ်ဇစ်အသင်းကို ချေပဂိုးနဲ့ အနိုင်ဂိုးတွေ ထပ်မံ ပေးလိုက်ရတာကြောင့် ၂ဂိုး ၃ ဂိုးဆိုတဲ့ ရလဒ်နဲ့ ရှုံးနိမ့်သွားခဲ့ရတာကြောင့် ရှုံးပွဲမရှိ စံချိန်ရပ်တန့်သွားခဲ့ရတာ ဖြစ်ပါ တယ်။ လေဗာကူဆင်ဟာ ဘွန်ဒက်စ်လီဂါမှာ ၃၅ ပွဲဆက်တိုက် ရှုံးပွဲမရှိစံချိန်တင်နိုင်ခဲ့တာ ဖြစ်ပါတယ်။ နည်းပြသစ် အဖြစ် အလွန်ဆို စတင်ကိုင်တွယ်ခဲ့တဲ့ လေဗာကူဆင်အသင်းဟာ ပြီးခဲ့တဲ့ ၂၀၂၃ ခုနှစ်၊ မေလနောက်ပိုင်း ပထမဆုံး ဘွန်ဒက်စ်လီဂါရှုံးပွဲ ဖြစ်လာခဲ့ပါတယ်။ (NVS 008)
