ပြီးခဲ့တဲ့ စက်တင်ဘာလ ၁ ရက်မှာ ပရီးမီးယားလိဂ်ပွဲစဉ်အဖြစ် ယှဉ်ပြိုင်ကစားခဲ့တဲ့ ဝက်စ်ဟမ်းအသင်းနဲ့ မန်စီးတီးအသင်းတို့ပွဲစဉ်မှာ မန်စီးတီးအသင်းက အိမ်ရှင်ဝက်စ်ဟမ်းအသင်းကို ၃ ဂိုး ၁ ဂိုးဆိုတဲ့ရလဒ်နဲ့ အနိုင်ရရှိ ခဲ့ပါတယ်။ အဆိုပါပွဲစဉ်မှာ မန်စီးတီးအသင်းက အိမ်ရှင်ဝက်စ်ဟမ်းအသင်းကို အကောင်းဆုံးပုံစံနဲ့ ဖိအားပေးကစားထား နိုင်ခဲ့ပြီး အစောပိုင်းပွဲချိန် ၁၀ မိနစ်မှာပဲ ဟာလန်းက ဦးဆောင်ဂိုးသွင်းယူခဲ့ပါတယ်။ ဒါ့အပြင် ဟာလန်း ဟာ ပွဲချိန်မိနစ် ၃၀ နဲ့ ဒုတိယပိုင်း ၈၃ မိနစ်မှာ သွင်းဂိုးတွေ ထပ်မံသွင်းယူနိုင်ခဲ့ပြီး လက်ရှိရာသီရဲ့ ဒုတိယကြိမ်မြောက် ဟက်ထရစ်ကို ရရှိခဲ့ ပါတယ်။ ဟာလန်း ဟာ ပရီးမီးယားလိဂ်ရောက်ရှိခဲ့တာ ၂ ရာသီမပြည့်သေးပေမယ့် ပရီးမီးယားလိဂ် ဟက်ထရစ် စုစုပေါင်း ၈ ကြိမ်ရရှိသွားခဲ့တာ ဖြစ်ပါတယ်။ ဟာလန်းဟာ ၆၉ ပွဲမှာ ဟက်ထရစ် ၈ ကြိမ်ရယူနိုင်ခဲ့တာ ဖြစ်ပါတယ်။ (NVS 008)