ဒီနေ့ည ၈ နာရီမှာတော့ Novel Star Page ရဲ့ ကျန်းမာရေးကဏ္ဍကနေ ၀မ်းချုပ်စေတဲ့ အစားအစာတွေ အကြောင်းကို ပြောပြသွားမှာ ဖြစ်ပါတယ်။ ဆီကြော်မုန့်တွေနဲ့ အသင့်စားအစားအစာတွေက သဘောသဘာဝအတူတူဖြစ်ပါတယ်။ အမျှင်ဓာတ်ပါဝင်မှု လုံးဝမရှိဘဲ အဆီပါဝင်မှုသာ များတာကြောင့် အစာခြေဖို့ရာအခက်အခဲဖြစ်စေပါတယ်။ အဲဒီ့အတွက် သရေစာအဖြစ် စားချင်တယ်ဆိုရင် အသီးအနှံတွေကို အစားထိုး စားပေးသင့်ပါတယ်။ ဂျုံ၊ နှံစားပြောင်း ကနေထုတ်ထားတဲ့ ပေါင်မုန့်ဖြူ၊ ဆန်လုံးဖြူ၊ ပါစတာ စတာတွေက အမျှင်ဓာတ်နည်းတာ ကြောင့် ဝမ်းချုပ်စေပါတယ်။ နို့ထွက်ပစ္စည်းတွေဟာ အခြားသောအစားအစာတွေထက် ပိုပြီးဝမ်းချုပ်စေပါတယ်။ လသား၊ တစ်နှစ်-နှစ်နှစ် ကလေးတွေမှာ ပိုဆိုးပါတယ်။ နွားနို့မှာတွေ့ရတဲ့ ပရိုတင်းဓာတ်ကြောင့်ပါ။ လေ့လာချက်တွေအရ အသက် ၁ နှစ်ကနေ ၁၂ နှစ်အတွင်း ကလေးတွေမှာ နွားနို့သောက်ခြင်းကြောင့် ဝမ်းချုပ်ခြင်း ပိုဆိုးလာတယ်လို့တွေ့ရပါတယ်။ နွားနို့အစား ပဲနို့ကို ပြောင်းသောက်ခိုင်းလိုက်တဲ့အခါမှာတော့ ဝမ်းချုပ်ခြင်းသက်သာစေတာကို တွေ့ရပါတယ်။ အသင့်စားအစားအစာတွေက ဝမ်းချုပ်ခြင်းကို ပိုဆိုးရွားစေပါတယ်။ အဆီများပြီး အမျှင်ဓာတ်ပါဝင်မှု နည်းတဲ့ အတွက် အစာခြေခြင်းကို နှေးကွေးစေပါတယ်။ အသင့်စားအစားအစာဖြစ်တဲ့ ကွတ်ကီး၊ ချောကလက်၊ ရေခဲမှုန့်တွေ အစား အမျှင်ဓာတ်ကြွယ်ဝတဲ့ အသီးအနှံတွေ၊ ဟင်းသီးဟင်းရွက်တွေ အစားထိုးသင့်ပါတယ်။ အနီရောင်အသားတွေမှာ ဝမ်းချုပ်ခြင်းကို ဖြစ်စေတဲ့အကြောင်းရင်း ၃ ခုရှိပါတယ်။ အမျှင်ဓာတ်ပါဝင်မှု နည်းခြင်းက အစာတွေရွေ့လျားဖို့ အဆင်မချောစေပါဘူး။ ပုံမှန်လူတစ်ယောက်ရဲ့ နေ့စဉ်ရနိုင်တဲ့ အမျှင်ဓာတ်ပမာဏ ကိုပါ လျှော့ချပစ်နိုင်ခြင်းကြောင့်လည်း ပိုဆိုးသွားပါတယ်။ အဲဒါကြောင့် ထမင်းစားချိန်မှာ အသားများများ စားခြင်းက အသီးအရွက်တွေက အမျှင်ဓာတ်တွေကိုပါ လျှော့ချပစ်နိုင်ပါတယ်။ အဲဒါအပြင် အနီရောင်အသားတွေမှာ အဆီပါဝင်မှု လည်းပိုများပါတယ်။ အဲဒီအကြောင်းတွေကြောင့် ဝမ်းချုပ်ခြင်းကို ပိုမိုဖြစ်စေပါတယ်။ ဒါ့အပြင် အရက်ကလည်း ဝမ်းချုပ်စေပါတယ်။ အရက်အများကြီးသောက်ခြင်းဟာ ရေဓာတ်ဆုံးရှုံးမှု ဖြစ်စေပါ တယ်။ ရေဓာတ်ဆုံးရှုံးခြင်းက ရေလုံလောက်စွာမသောက်တဲ့ လူလိုဘဲ အူမကြီးလုပ်ဆောင်ဖို့ရာ မလွယ်ကူ စေတာ ကြောင့် ဝမ်းချုပ်စေပါတယ်။ ကဖင်းဓာတ်ပါဝင်တဲ့ သောက်စရာတွေကလည်း အရက်သောက်သလိုဘဲ ၊ ရေဓာတ်ကိုခမ်းခြောက် စေနိုင်တဲ့ အတွက် ရေဓာတ်ချို့တဲ့သောအခါ အူမကြီးလုပ်ဆောင်ချက်ကို နှေးကွေးစေပြီး ဝမ်းချုပ်စေပါတယ်။ (NVS 003)