ဒီနေ့ည ၈ နာရီမှာတော့ Novel Star Page ရဲ့ ကျန်းမာရေးကဏ္ဍကနေ နှလုံးသွေးကြောပိတ်ခြင်းကို ကာကွယ်နိုင်တဲ့ အစားအစာများအကြောင်းကို ပြောပြသွားမှာ ဖြစ်ပါတယ်။ ဆယ်လ်မွန်နဲ့ မက်ကရယ်ငါးတွေမှာ အိုမီဂါ ၃ ဖက်တီးအက်ဆစ်များပါဝင်ပြီး သွေးကြောအနည် ထိုင်ခြင်းကို လျှော့ချပေးကာ သွေးပေါင်ချိန်ကျစေပါတယ်။ ပဲကြီး၊ ပဲနီလေး၊ ကုလားပဲတို့မှာ အမျှင်၊ ပရိုတိန်း၊ ဓာတ်တိုးဆန့်ကျင်ပစ္စည်းများ ကြွယ်ဝပြီး နှလုံး သွေးကြောရောဂါများ ဖြစ်နိုင်ခြေကို လျှော့ချပေးပါတယ်။ အစိမ်းရောင်ဟင်းရွက်များဖြစ်တဲ့ ဟင်းနုနွယ်၊ ကိုက်လံ တို့လို အရွက်တွေဟာ နိုက်ထရိတ်ကြွယ်ဝပြီး သွေးစီးဆင်းမှု ကောင်းမွန်စေကာ သွေးပေါင်ချိန်ကျစေပါတယ်။ ဓာတ်တိုးဆန့်ကျင်ပစ္စည်းများ ကြွယ်ဝတဲ့ ဘယ်ရီသီးတွေဟာ သွေးကြောပိတ်ဆို့ခြင်းများကို ကာကွယ် ပေးပြီး နှလုံးကျန်းမာရေး ကောင်းမွန်စေပါတယ်။ ချောကလက်မည်းက ဖလေဗိုနွိုက်ပါဝင်တာကြောင့် သွေးပေါင်ချိန်လျော့စေပြီး သွေးကြောများထဲ အနည်စုပြုံခြင်းမှ ကာကွယ်ပေးပါတယ်။ သံလွင်ဆီဟာ ဓာတ်တိုးဆန့်ကျင်ပစ္စည်းများ၊ မပြည့်ဝဆီများ ပါဝင်ကာ ရောင်ရမ်းမှုကို လျှော့ချပေးခြင်း၊ ကိုလက်စ်ထရောလ် ကျစေခြင်းနဲ့ နှလုံးရောဂါဖြစ်နိုင်ခြေ လျှော့ချပေးခြင်းတို့ကို ပေးစွမ်းနိုင်ပါတယ်။ လက်ဖက်စိမ်းမှာ ဓာတ်တိုးဆန့်ကျင်ပစ္စည်း ကြွယ်ဝတာကြောင့် မကောင်းတဲ့ ကိုလက်စ်ထရောလ်များကို လျော့ကျစေကာ နှလုံးရောဂါဖြစ်နိုင်ခြေ နည်းစေပါတယ်။ ဗာဒံသီး နဲ့ သစ်ကြားသီးတို့မှာ ကျန်းမာရေးနဲ့ညီညွတ်တဲ့ အဆီများ၊ အမျှင်များ၊ ဓာတ်တိုးဆန့်ကျင် ပစ္စည်းများပါဝင်ကာ နှလုံးကျန်းမာရေးတိုးတက်စေပြီး ကိုလက်စ်ထရောလ် လျှော့ချပေးပါတယ်။ ထောပတ်သီးဟာ မကောင်းတဲ့ LDL ကိုလက်စ်ထရောလ်ကို လျော့ကျစေပြီး ကောင်းတဲ့ HDL ကိုလက်စ် ထရောလ်ကို များစေပါတယ်။ အုတ်စပါး၊ ဆန်ညို၊ ပေါင်မုန့်ကြမ်းတို့မှာ ပါဝင်တဲ့ အမျှင်ဓာတ်က ကိုလက်စ်ထရောလ် ပမာဏ ကျဆင်း စေပြီး သွေးကြောကျန်းမာရေးကို ထိန်းသိမ်းပေးပါတယ်။(NVS 003)