ဂျပန်အစိုးရက ပြန်လည်ပြင်ဆင်ထားသည့် အမျိုးသားလုံခြုံရေးမဟာဗျူဟာကို ဒီနှစ်ကုန်ပိုင်းတွင် အပြီး သတ်နိုင်ဖို့လုပ်ဆောင်နေသည်။ အဆိုပါမဟာဗျူဟာ၏ ထူးခြားချက်တစ်ခုမှာ နိုင်ငံ့အရေးပေါ်အခြေအနေ ကြုံလာ ပါက နိုင်ငံအတွင်း နျူကလီးယားလက်နက် ဖြန့်ကြက်ခွင့်ပြုသွားမယ်ဆိုသည့် အဆိုပြုချက်တစ်ခုပါဝင်လာခြင်း ဖြစ်သည်။ တစ်ချိန်တည်းမှာပင် ဂျပန်အစိုးရသည် ၎င်းတို့အနေဖြင့် နျူကလီးယားရှောင်ကြဉ်ရေးမူကြီး သုံးချက်ကို အလေးထားလိုက်နာသွားမယ်လို့ ဆိုထားပြန်သည်။ ထို့ကြောင့် ၎င်းတို့အနေဖြင့် အဆိုပါမူကြီးသုံးချက်ကို ပြောင်းလဲမှုပြုလုပ်မည်မဟုတ်ဘဲ အရေးကြုံလာပါ က နျူကလီးယားလက်နက် ဖြန့်ကြက်ခွင့်ပြုသွားမယ်ဆိုတဲ့ ကင်းလွတ်ခွင့်လေးတစ်ခုကိုသာ ထပ်ထည့်သွားမှာ ဖြစ်တယ်လို့ အဆိုပါကိစ္စနှင့်ပတ်သက်ပြီး သိရှိသူများက ပြောသည်။ မူကြီးသုံးချက်သည် နျူကလီးယားလက်နက် မပိုင်ဆိုင်ရေး၊ မထုတ်လုပ်ရေး၊ မိတ်ဆက်ခွင့်မပြုရေးတို့ဖြစ်သည်ဟု ဆင်ဟွာသတင်းဌာနဖော်ပြချက်အရ သိရသည်။