“အမရပူရတွင် ရက်ကန်းထုတ်ကုန်ပြပွဲနှင့် အထူးစျေးရောင်းပွဲတော်ကို ၂ ရက်ကြာကျင်းပမည်”
20 Oct
အထည်အလိပ်ရက်ကန်းလုပ်ငန်းရှင်များအသင်း(မန္တလေး)ကကြီးမှူး၍ “ရက်ကန်းထုတ်ကုန်ပြပွဲနှင့် စျေးရောင်းပွဲတော်”ကို လာမယ့်အောက်တိုဘာလ ၂၁ ရက်မှ ၂၂ ရက်အထိ မန္တလေးတိုင်းဒေသကြီး၊ အမရပူရမြို့၊ ဆောင်းဒါးသိပ္ပံသင်တန်းကျောင်းဝန်းအတွင်း ၂ ရက်ကြာ စည်ကားသိုက်မြိုက်စွာ ကျင်းပသွားမှာဖြစ်ပါတယ်။ အဆိုပါပွဲတော်မှာ အမရပူရထွက် နာမည်ကြီးပိုးထည်ချည်ထည်ဆိုင်များမှ စက်တန်းထွက်ချိတ်များ၊ လက်ရက်ထည်များနှင့် သဘာဝချည်သားစစ်စစ်များကို အထူးစျေးနှုန်းများ၊ ပရိုမိုးရှင်းအစီအစဉ်များနဲ့ ရောင်းချပေး သွားမှာ ဖြစ်တယ်လို့သိရပါတယ်။ ဒါ့အပြင် ပွဲတော်သို့လာရောက်သူများအတွက် ဖျော်ဖြေရေးအစီအစဉ်များလည်း ထည့်သွင်းထားကာ ချည်ထည်သီးသန့်ပွဲဖြစ်တဲ့အတွက် ဒီဇိုင်းသစ်လက်ရာဆန်းများကို မြန်မာ့ရိုးရာချည်ထည်နှင့် ရက်ကန်းထည်များ ချစ်မြတ်နိုးသူတွေအနေနဲ့ ဝင်ရောက်လေ့လာ ဝယ်ယူနိုင်တယ်လို့လည်း သိရပါတယ်။ (NVS 008)
