“ဗြိတိန်အပါအဝင် ဥရောပ ၄ နိုင်ငံရှိ PJ ပတ်စ်ပို့ကိုင်ဆောင်သူများ ခွင့်ပြန်ထောက်ခံစာ ယူရန်မလိုတော့”
20 Oct
ဗြိတိန်၊ ဒိန်းမတ်၊ ဆွီဒင်နှင့် အိုင်ယာလန်နိုင်ငံတို့တွင် အလုပ်လုပ်ကိုင်နေကြတဲ့ PJ အမျိုးအစား မြန်မာနိုင်ငံ ကူးလက်မှတ် ကိုင်ဆောင်ထားသူများအနေနဲ့ မြန်မာနိုင်ငံသို့ ခွင့်ပြန်လာရောက်ရာမှာ မြန်မာသံရုံးမှ ခွင့်ပြန်ထောက်ခံ စာရယူရန် မလိုအပ်တော့ကြောင်း မြန်မာသံရုံး၊ လန်ဒန်မြို့က အသိပေးကြေညာထားပါတယ်။ အဆိုပါကြေညာချက်အရ သတ်မှတ်ထားတဲ့ နိုင်ငံလေးနိုင်ငံမှာ အလုပ်လုပ်ကိုင်နေသော PJ ပတ်စ်ပို့ ကိုင်ဆောင်သူများအနေနဲ့ မြန်မာနိုင်ငံသို့ ခွင့်ပြန်သွားရာတွင် သံရုံးမှ ခွင့်ပြန်ထောက်ခံစာရယူရန် မလိုအပ်တော့ဘဲ ခွင့်ပြန်ခရီးစဉ်အတွက် ယခင်ကလိုအပ်ခဲ့တဲ့ အဆိုပါထောက်ခံစာဆိုင်ရာ လုပ်ငန်းစဉ်မှ ကင်းလွတ်ခွင့်ရရှိမှာ ဖြစ်ပါတယ်။ ယခုအသိပေးကြေညာချက်ကို မြန်မာသံရုံး၊ လန်ဒန်မြို့က ၂၀၂၆ ခုနှစ်၊ အောက်တိုဘာလ ၁၉ ရက်မှာ ထုတ်ပြန်ခဲ့ခြင်းဖြစ်ပါတယ်။ အဆိုပါနိုင်ငံများမှာ အလုပ်လုပ်ကိုင်နေတဲ့ PJ ပတ်စ်ပို့ကိုင်ဆောင်သူများအနေနဲ့ ခရီးစဉ် မစတင်မီ သက်ဆိုင်ရာနိုင်ငံ၏ ထွက်ခွာခွင့်ဆိုင်ရာစည်းမျဉ်းများ၊ လေကြောင်းလိုင်းလိုအပ်ချက်များနှင့် မြန်မာနိုင်ငံ သို့ ဝင်ရောက်ရာမှာ လိုအပ်တဲ့စာရွက်စာတမ်းများကို သက်ဆိုင်ရာဌာနများထံမှ ထပ်မံစုံစမ်းစစ်ဆေးသင့်ကြောင်း အသိပေးထားပါတယ်။ (NVS 008)
