“အနောက်တောင်မုတ်သုံလေ မြန်မာတစ်နိုင်ငံလုံးမှ လုံးဝဆုတ်ခွာ”
07 Oct
၂၀၂၆ ခုနှစ် မိုးရာသီ၏ အနောက်တောင်မုတ်သုံလေသည် မြန်မာနိုင်ငံတစ်ဝန်းလုံးမှ လုံးဝဆုတ်ခွာသွားပြီ ဖြစ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ထားရှိပါတယ်။ အနောက်တောင်မုတ်သုံလေသည် စက်တင်ဘာလ ၁၅ ရက်တွင် မြန်မာနိုင်ငံမြောက်ပိုင်းဒေသများမှ စတင် ဆုတ်ခွာခဲ့ပြီး စက်တင်ဘာလ ၂၅ ရက်တွင် မြန်မာနိုင်ငံအလယ်ပိုင်းဒေသများ၊ အောက်တိုဘာလ ၂ ရက်တွင် မြစ်ဝကျွန်းပေါ်ဒေသများမှ အသီးသီးဆုတ်ခွာခဲ့ပါတယ်။ ထို့နောက် အောက်တိုဘာလ ၆ ရက်တွင် တနင်္သာရီတိုင်း ဒေသကြီးအပါအဝင် ကျန်ဒေသများမှ ဆုတ်ခွာခဲ့သဖြင့် မြန်မာတစ်နိုင်ငံလုံးမှ အနောက်တောင်မုတ်သုံလေ လုံးဝ ဆုတ်ခွာသွားခဲ့ပြီးဖြစ်ပါတယ်။ မုတ်သုံလေဆုတ်ခွာနေသည့် ကာလအတွင်း ဧရာဝတီတိုင်းဒေသကြီး၊ ဖျာပုံမြို့၌ အောက်တိုဘာ ၅ ရက်က အမြင့်ဆုံးအပူချိန် ၃၆.၀ ဒီဂရီဆဲလ်စီးယပ်စ်(၉၆.၈ ဒီဂရီဖာရင်ဟိုက်)အထိ မြင့်တက်ခဲ့ပြီး အောက်တိုဘာလအတွက် နှစ်ပေါင်း ၂၅ နှစ်အတွင်း အမြင့်ဆုံးအပူချိန် စံချိန်သစ်တင်ခဲ့ကြောင်း ထုတ်ပြန်ချက်အရ သိရပါတယ်။ ဖျာပုံမြို့၏ ယခင် အောက်တိုဘာလအမြင့်ဆုံးအပူချိန် စံချိန်မှာ ၂၀၁၁ ခုနှစ် အောက်တိုဘာ ၂၈ ရက်က မှတ်တမ်းတင်ခဲ့သည့် ၃၅.၉ ဒီဂရီဆဲလ်စီးယပ်စ်(၉၆.၆ ဒီဂရီဖာရင်ဟိုက်) ဖြစ်ပြီး ယခုနှစ်တွင် ၀.၁ ဒီဂရီဆဲလ်စီးယပ်စ် ကျော်လွန်ကာ စံချိန်သစ်တင်ခဲ့ခြင်းဖြစ်ကြောင်း သိရပါတယ်။(NVS 008)
