“ညောင်ဦးမြို့နယ်မှာ လတ်တလောဖြစ်ပေါ်နေသော ရာသီဥတုသတိပေးချက်များအရ ကြိုတင်ပြင်ဆင်”
29 Sep
မိုးလေဝသနှင့်ဇလဗေဒညွှန်ကြားမှုဦးစီးဌာန၏ လတ်တလောဖြစ်ပေါ်နေသော ရာသီဥတုသတိပေးချက်များ အရ မန္တလေးတိုင်းဒေသကြီး၊ ညောင်ဦးမြို့နယ်၏ မြို့နယ်မီးသတ်တပ်ဖွဲ့က ရှာဖွေကယ်ဆယ်ရေးလုပ်ငန်းများကို အချိန်နှင့်တစ်ပြေးညီတုန့်ပြန်ဆောင်ရွက်နိုင်စေရန်အတွက် ကြိုတင်ပြင်ဆင်ခြင်းများကို ဆောင်ရွက်လျက်ရှိကြောင်း သိရပါတယ်။ မြို့နယ်မီးသတ်တပ်ဖွဲ့ဝင်များက စက်တင်ဘာလ ၂၈ ရက်နံနက် ၉ နာရီမှစတင်ကာ ရှာဖွေကယ်ဆယ်ရေး လုပ်ငန်းသုံးစက်ပစ္စည်းကိရိယာများ၊ ရေစုပ်စက်များနှင့် ရေပြင်ရှာဖွေကယ်ဆယ်ရေးလုပ်ငန်းသုံး Assault Boat များ ရေပြင်အသင့်ချထားခြင်း၊ စက်နှိုးစမ်းသပ်ခြင်း၊ အသင့်စုဖွဲ့လေ့ကျင့်ခြင်းတို့ကို ပြုလုပ်ခဲ့ကြကြောင်း သိရပါတယ်။ မြို့နယ်အတွင်း ဘေးအန္တရာယ်တစ်စုံတစ်ရာ ကျရောက်လာပါက ညောင်ဦးမြို့နယ်မီးသတ်ဦးစီးဌာန၏ အရေးပေါ်ဖုန်း ၁၉၁ နှင့် ရုံးဖုန်း ၀၆၁ ၂၄၆၀၁၉၁ တို့သို့ ဆက်သွယ်အကူအညီတောင်းခံနိုင်ကြောင်း အသိပေးနှိုးဆော်ထားပါတယ်။ (NVS 008)
