တရုတ်နိုင်ငံက အိမ်ရှင်အဖြစ်လက်ခံကျင်းပမည့် တရုတ်အိုးပင်း အမျိုးသမီးတစ်ဦးချင်းတင်းနစ်ပြိုင်ပွဲတွင် လက်ရှိကမ္ဘာ့အဆင့်(၁)မှ(၁၀)နေရာအတွင်း ရပ်တည်နေသည့် တင်းနစ်မယ်အားလုံး ဝင်ရောက်ယှဉ်ပြိုင်မည်ဟု WTA အဖွဲ့ချုပ်က အတည်ပြုထားကြောင်း TNT Sports သတင်းဝက်ဘ်ဆိုက်က ဖော်ပြခဲ့ပါတယ်။ ၂၀၂၅ ခုနှစ်ကကျင်းပခဲ့သည့် အဆိုပါပြိုင်ပွဲတွင် အမေရိကန်တင်းနစ်မယ်များဖြစ်သည့် ကိုကိုဂတ်ဖ် က ပီဂူလာ ကိုအနိုင်ရခဲ့ကာ ချန်ပီယံဆုဆွတ်ခူးထားပြီး ယခုနှစ်ပြိုင်ပွဲတွင် လက်ရှိချန်ပီယံအဖြစ် ဝင်ရောက်ကစားမှာ ဖြစ်ပါတယ်။ တရုတ်အိုးပင်း အမျိုးသမီးတင်းနစ်ပြိုင်ပွဲက WTA 1000 အဆင့်ရှိပြိုင်ပွဲဖြစ်ပြီး လာမည့်အောက်တိုဘာလ ၁၂ ရက်မှ ၁၈ ရက်ထိ တရုတ်နိုင်ငံ ဝူဟန်မြို့တွင် ကျင်းပမည်ဖြစ်ကာ စုစုပေါင်းတင်းနစ်မယ် ၅၆ ဦး ပါဝင်ယှဉ်ပြိုင် ကြမှာဖြစ်ကြောင်း သိရပါတယ်။(NVS 008)