“ရှန်ဟိုင်းပူးပေါင်းဆောင်ရွက်ရေးအဖွဲ့နှင့် ဆက်ဆံရေးအဆင့်မြှင့်တင်ရန် တူကီယဲသမ္မတပြောကြား”
04 Sep
ရှန်ဟိုင်းပူးပေါင်းဆောင်ရွက်ရေးအဖွဲ့(အက်စ်စီအို)နှင့် တူကီယဲနိုင်ငံတို့ကြား ဆက်ဆံရေးအဆင့်မြှင့်တင်ရန် စဉ်းစားမည်ဖြစ်ကြောင်း တူကီယဲသမ္မတ အာဒိုဂန် က စက်တင်ဘာလ ၂ ရက်တွင် ထုတ်ဖော်ပြောကြားခဲ့သည် ဟု RT သတင်းဌာနက ဖော်ပြထားသည်။ သို့ရာတွင် အက်စ်စီအိုအဖွဲ့၌ ပိုမိုခိုင်မာသောအဖွဲ့ဝင်အဖြစ် တူကီယဲနိုင်ငံပါဝင်လာနိုင်မှုသည် အခြား အဖွဲ့အစည်းများ သို့မဟုတ် အနောက်အုပ်စုနိုင်ငံများနှင့် လက်တွဲဖြုတ်မည့် ရည်ရွယ်ချက်မပါကြောင်း တူကီယဲ သမ္မတက ပြောကြားထားသည်။ ကာဂျစ်စတန်နိုင်ငံ ဘစ်ရှက်ခ်မြို့၌ ကျင်းပခဲ့သော အက်စ်စီအိုထိပ်သီးညီလာခံသို့ တက်ရောက်ခဲ့ပြီးနောက် တူကီယဲသမ္မတ အာဒိုဂန် က ထိုသို့ပြောကြားခဲ့ခြင်းဖြစ်သည်။ တူကီယဲနိုင်ငံသည် မြောက်အတ္တလန္တိတ်စာချုပ်အဖွဲ့ (နေတိုး) အုပ်စုဝင်နိုင်ငံဖြစ်ပြီး အက်စ်စီအိုအဖွဲ့သည် တရုတ်နှင့်ရုရှားတို့ ဦးဆောင်သော လုံခြုံရေးမဟာမိတ်အဖွဲ့ ဖြစ်သည်။ လက်ရှိတွင် တူကီယဲနိုင်ငံသည် အက်စ်စီအို၌ ပိုမိုခိုင်မာသော အဖွဲ့ဝင်အဖြစ် ပါဝင်ခြင်းမရှိသေးသော်လည်း ဆွေးနွေးဖက်နိုင်ငံအဖြစ် ရပ်တည်လျက်ရှိသည်။ အက်စ်စီအိုအဖွဲ့ကို အနောက်အုပ်စုနိုင်ငံများ၏ ဩဇာလွှမ်းမိုးမှု တန်ပြန်ရေးအတွက် ၂၀၀၁ ခုနှစ် ဇွန်လ ၁၅ ရက်တွင် စတင်ဖွဲ့စည်းတည်ထောင်ခဲ့ခြင်းဖြစ်ကြောင်း သိရသည်။
