ဟော်မုဇ်ရေလက်ကြားကို လက်ရှိတွင် လုံးဝပိတ်ထားပြီး မည်သည့်သင်္ဘောမဆို အဆိုပါရေလက်ကြားကို ဖြတ်သန်းသွားလာမည်ဆိုပါက အီရန်၏ ညှိနှိုင်းဆောင်ရွက်မှုနှင့် ခွင့်ပြုချက်ရရှိရမည်ဖြစ်ကြောင်း အီရန်ဒုတိယ နိုင်ငံခြားရေးဝန်ကြီး Gharibabadi က ဩဂုတ်လ ၂၉ ရက်တွင် ပြောကြားခဲ့သည်။ အီရန် လက်နက်ကိုင်တပ်ဖွဲ့များသည် ဟော်မုဇ်ရေလက်ကြား၏ လှုပ်ရှားမှုအားလုံးကို အပြည့်အဝထိန်းချုပ် ထားပြီး အဆိုပါရေလက်ကြားမှ သင်္ဘောများ ဖြတ်သန်းသွားလာမှုနှင့်ပတ်သက်၍ အမေရိကန်ဘက်က ပြောကြား ချက်များသည် “လုံးဝမမှန်ကန်ကြောင်း” Gharibabadi က ပြောကြားခဲ့သည်ဟု အီရန်အစ္စလာမ်မစ်သမ္မတနိုင်ငံ ရုပ်သံလွှင့်ဌာန(IRIB)၏ သတင်းဖော်ပြချက်အရ သိရသည်။ အီရန်သည် ဟော်မုဇ်ရေလက်ကြားမှ သင်္ဘောများ ဖြတ်သန်းသွားလာမှုဆိုင်ရာ စီစဉ်ဆောင်ရွက်ချက်များနှင့် ပတ်သက်၍ အိုမန်နိုင်ငံနှင့် နားလည်မှုရရှိထားပြီးဖြစ်သော်လည်း အမေရိကန်က ၎င်း၏ကတိကဝတ်များကို မလိုက်နာမချင်း ဟော်မုဇ်ရေလက်ကြားကို ပြန်လည်ဖွင့်လှစ်ပေးမည် မဟုတ်ကြောင်း ၎င်းကပြောကြားခဲ့သည်။ (Repost from Xinhua Myanmar)