မွန်ပြည်နယ်၊ မော်လမြိုင်မြို့၊ မုယောင်းအမှိုက်ကျင်းဧရိယာအတွင်း ကိုယ်ပိုင်ရင်းနှီးမြှုပ်နှံမှုဖြင့် သဘာဝ မြေဩဇာ (Waste to Compost)စက်ရုံ တည်ဆောက်ထုတ်လုပ်ရန် စိတ်ပါဝင်စားသည့် မြန်မာနိုင်ငံသား လုပ်ငန်းရှင် များအနေနဲ့ စိတ်ဝင်စားမှုအဆိုပြုလွှာ တင်သွင်းနိုင်ကြောင်း မွန်ပြည်နယ်စည်ပင်သာယာရေးအဖွဲ့မှ ဖိတ်ခေါ်ထား ရှိပါတယ်။ အဆိုပါ လျှောက်လွှာများကို လာမည့် ဩဂုတ်လ ၃ ရက်မှ ၁၄ ရက်အထိ ရုံးချိန်အတွင်း ကျပ် ၅၀,၀၀၀ နှုန်းဖြင့် ဝယ်ယူနိုင်ပြီး၊ ဩဂုတ်လ ၁၉ ရက် ညနေ ၄ နာရီခွဲ နောက်ဆုံးထား၍ မော်လမြိုင်မြို့၊ မောင်ငံရပ်၊ ကျိုက္ခမီ လမ်းရှိ မွန်ပြည်နယ်စည်ပင်သာယာရေးအဖွဲ့ရုံးသို့ တင်သွင်းရမှာဖြစ်ပါတယ်။ အဆိုပြုလွှာ ဖွင့်လှစ်မည့်ရက်ကို ထပ်မံအကြောင်းကြားပေးသွားမှာဖြစ်ပါတယ်။ အသေးစိတ် အချက်အလက်များ သိရှိလိုပါက မွန်ပြည်နယ်စည်ပင် သာယာရေး အဖွဲ့ရုံးသို့ ရုံးချိန်အတွင်း ဆက်သွယ်မေးမြန်းနိုင်ကြောင်း သိရပါတယ်။ (NVS 004)