မြန်မာနိုင်ငံတစ်ဝန်းရှိ ပြည်သူများ စဉ်ဆက်မပြတ်ချိတ်ဆက်နိုင်စေရန်အတွက် MPT မှ မိုဘိုင်းကွန်ရက်ကို တိုးချဲ့လျက်ရှိရာ မိုဘိုင်းစခန်းအသစ် ၂၇ ခု ထပ်မံဖွင့်လှစ်ခဲ့ပြီး ဆက်သွယ်ရေးကွန်ရက်များ တိုးချဲ့လျက်ရှိတယ်လို့ သိရပါတယ်။ ယခုကွန်ရက်တိုးချဲ့မှုအနေနဲ့ နေပြည်တော်၊ ကရင်၊ မွန်၊ ရှမ်းပြည်နယ်(အရှေ့ပိုင်း)၊ ရှမ်းပြည်နယ် (တောင်ပိုင်း)၊ ဧရာဝတီတိုင်းနှင့် ပဲခူးတိုင်း(အရှေ့ပိုင်း)တို့မှာ မိုဘိုင်းစခန်းအသစ် ၂၇ ခုကို တည်ဆောက်ခဲ့တဲ့အပြင် မကွေးတိုင်းဒေသကြီးရှိ လက်ရှိ မိုဘိုင်းစခန်း ၉ ခုကိုလည်း မြန်နှုန်းမြင့် 4G LTE ဝန်ဆောင်မှုသို့ အဆင့်မြှင့်တင်ခဲ့ပြီး ဒေသခံပြည်သူများအတွက် ပိုမိုမြန်ဆန်ပြီး အရည်အသွေးမြင့် ဆက်သွယ်ရေးဝန်ဆောင်မှုကို ပံ့ပိုးပေးနိုင်ခဲ့တယ်လို့ သိရပါတယ်။ MPT အနေနဲ့ ၂၀၁၆ ခုနှစ် အောက်တိုဘာလမှာ MPT 4G/LTE ဝန်ဆောင်မှုကို စတင်ခဲ့ပြီးနောက် ပြည်သူများ အဆင့်မြင့်မိုဘိုင်းနည်းပညာများ အသုံးပြုလာစေရန် လျင်မြန်စွာအရှိန်မြှင့်တင်ပေးခဲ့ပြီး ယနေ့အထိ MPT ၏ အကြီးမားဆုံးသော 4G/LTE ကွန်ရက်က မြို့နယ်ပေါင်း ၃၀၀ ကျော်မှာ လွှမ်းခြုံထားကာ တစ်နိုင်ငံလုံးအတိုင်းအတာနဲ့ လူဦးရေ ၉၆ ရာခိုင်နှုန်းကို လွှမ်းခြုံထားပြီး ဖြစ်ပါတယ်။ MPT ဟာ၂၀၁၄ ခုနှစ် ဇူလိုင်လမှာ KDDI Summit Global Myanmar (KSGM) နှင့် ပူးပေါင်းဆောင်ရွက်မှု သဘောတူညီချက်ကို လက်မှတ်ရေးထိုးခဲ့ပြီး KSGM က ဂျပန်ပူးပေါင်းဆောင်ရွက်သူများဖြစ်ကြတဲ့ KDDI Corporation (KDDI) နှင့် Sumitomo Corporation (Sumitomo) တို့မှ ပိုင်ဆိုင်ထားခြင်းဖြစ်ပါတယ်။ မြန်မာနိုင်ငံ၏ ဆက်သွယ်ရေး လုပ်ငန်းကဏ္ဍဖွံ့ဖြိုးတိုးတက်မှုကို အရှိန်မြှင့်တင်နိုင်ရန်အတွက် MPT အနေနဲ့ KDDI နှင့် Sumitomo တို့ဖြင့်ပူးပေါင်း ပြီး ဆယ်နှစ်အတွင်း ဒေါ်လာ ၂ ဘီလီယံ ရင်းနှီးမြှုပ်နှံကြရန် ရည်ရွယ်ခဲ့ပါတယ်။ (NVS 008)