မြန်မာနိုင်ငံဂီတအစည်းအရုံး(ဗဟို)၏ (၁၆)ကြိမ်မြောက် သက်ကြီးဂီတပညာရှင်ကြီးများအား ပူဇော်ကန်တော့ ပွဲကို ဇွန်လ ၂၇ ရက်က ရန်ကုန်မြို့၊ ဗဟန်းမြို့နယ်၌ကျင်းပခဲ့ကြောင်း သိရပါတယ်။ အဆိုပါ ပူဇော်ကန်တော့ပွဲသို့ နိုင်ငံတော်သမ္မတ ဦးမင်းအောင်လှိုင်နှင့်ဇနီး ဒေါ်ကြူကြူလှ မိသားစုက လှူဒါန်းသည့် အလှူငွေကျပ်သိန်း(၁၀၀)အား မြန်မာ့အသံနှင့်ရုပ်မြင်သံကြား ညွှန်ကြားရေးမှူးချုပ်က ပေးအပ်လှူဒါန်း ရာ မြန်မာနိုင်ငံဂီတအစည်းအရုံး(ဗဟို)ဥက္ကဋ္ဌ ဦးလွင်မြင့် က လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ ပါတယ်။ ထို့အပြင် ပြန်ကြားရေးဝန်ကြီးဌာနက အလှူငွေကျပ်သိန်း ၃၀၊ ရန်ကုန်တိုင်းအစိုးရအဖွဲ့က အလှူငွေကျပ် ၁၅၈ သိန်း၊ ရန်ကုန်တိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီက အလှူငွေကျပ် ၅ သိန်းတို့ အပါအဝင် အလှူငွေကျပ်သိန်း ၃၀၀ ကျော်နှင့် အလှူပစ္စည်းများကို အလှူရှင်များက ပေးအပ်လှူဒါန်းခဲ့ကြကြောင်း သိရပါတယ်။ အဆိုပါအခမ်းအနားသို့ မြန်မာနိုင်ငံဂီတအစည်းအရုံး(ဗဟို)ဥက္ကဋ္ဌ ဦးလွင်မြင့်နှင့် အလုပ်အမှုဆောင်အဖွဲ့ဝင် များ၊ ကန်တော့ခံသက်ကြီးဂီတပညာရှင်များနှင့် ဂီတ၊ ရုပ်ရှင်၊ စာပေ၊ သဘင်မှ ဖိတ်ကြားထားသူများနှင့်အတူ ပြန်ကြားရေးဝန်ကြီးဌာန၊ မြန်မာ့အသံနှင့်ရုပ်မြင်သံကြားညွှန်ကြားရေမှူးချုပ် ဦးရဲနိုင်နှင့် တာဝန်ရှိသူများ တက်ရောက် ခဲ့ကြပါတယ်။(NVS 004)