AYA Bank မှာ အသုံးပြုတဲ့ Application Portal အဟောင်းတစ်ခုမှ ငွေကြေးဆိုင်ရာမပါသော လျှောက်လွှာပေါ်ရှိ အချက်အလက်အချို့ ပြင်ပသို့ ပေါက်ကြားခဲ့သော ဖြစ်စဉ်ဖြစ်ပွားခဲ့ကြောင်း ၎င်းဘဏ်မှ ဇွန်လ ၂၅ ရက်နေ့လယ်ပိုင်းမှာ ထုတ်ပြန်ကြေညာခဲ့ပါတယ်။ အဆိုပါ Portal မှာ ဘဏ်၏ Core Banking System/ AYA Pay System/ Card System အစရှိသော ပင်မစနစ်များနှင့် တိုက်ရိုက်ချိတ်ဆက်ထားမှုမရှိတဲ့အပြင် အခြား Systems များအား (လုံးဝ)ထိခိုက်မှုမရှိတဲ့အတွက် AYA Pay နှင့် AYA Internet Banking / Mobile Banking စနစ်များကိုလည်း ပုံမှန်အတိုင်း စိတ်ချလုံခြုံမှုအပြည့်နဲ့ ဆက်လက်အသုံးပြုနိုင်တယ်လို့လည်း သိရပါတယ်။ ဒါ့အပြင် AYA Bank သုံးစွဲသူများ၏ အချက်အလက်လုံခြုံရေးကို အမြဲတမ်းဦးစားပေးဆောင်ရွက်ခဲ့ပေမယ့် ယခုဖြစ်ပေါ်ခဲ့တဲ့ဖြစ်စဉ်အတွက် AYA Bank သုံးစွဲသူများ စိတ်အနှောင့်အယှက် တစ်စုံတစ်ရာဖြစ်ပေါ်ခဲ့ပါက အနူးအညွတ်တောင်းပန်ထားပြီး AYA Bank ၏ Cyber Security နည်းပညာဆိုင်ရာ လုံခြုံရေးအဆင့်မြှင့်တင်မှုများကို တိုးမြှင့်ဆောင်ရွက်ထားရှိတယ်လို့ သိရပါတယ်။ ဒါကြောင့် AYA Bank သုံးစွဲသူများ၏ ဘဏ္ဍာရေးဆိုင်ရာအချက်အလက်များ (လုံးဝ)ဘေးကင်းလုံခြုံစွာ ရှိနေပါကြောင်းနှင့် AYA Bank ၏ ဝန်ဆောင်မှုများကို ယုံကြည်စိတ်ချစွာဖြင့် ဆက်လက် အသုံးပြုနိုင်တယ်လို့ AYA Bank မှ အသိပေးကြေညာထားပါတယ်။ (NVS 004)