အစ္စရေးကို အီရန်က ဇွန်လ ၇ ရက်တွင် ဒုံးကျည်ဖြင့်တိုက်ခိုက်မှုကြောင့် ကမ္ဘာ့ရေနံဈေး စွန့်စားမှု ပရီမီယံကြေးကို မြင့်တက်စေခဲ့သည်။ ကမ္ဘာ့ရေနံစိမ်း အနာဂတ်ဈေးနှုန်းသည် အရောင်းအဝယ်သီတင်းပတ်သစ် စတင်ချိန်မှစ၍ သိသိသာသာ မြင့်တက်လာခဲ့သည်။ အမေရိကန်နိုင်ငံ အရှေ့ပိုင်းစံတော်ချိန် ဇွန်လ ၇ ရက် ည ၇ နာရီအထိ နယူးယောက်ကုန်စည်ဒိုင် (NYMEX) ၏ ဇူလိုင်လအတွက် ပေးပို့ရမည့် အပေါ့စားရေနံစိမ်း အနာဂတ်ဈေးနှုန်းသည် အမြင့်ဆုံးအဖြစ် အမေရိကန်ဒေါ်လာ ၃ ဒသမ ၃၆ ဒေါ်လာအထိ မြင့်တက်ခဲ့ရာ တစ်စည်လျှင် အမေရိကန်ဒေါ် ၉၃.၉၀ ဒေါ်လာဖြင့် ၃ ဒသမ ၇၁ ရာခိုင်နှုန်း မြင့်တက်ခဲ့သည်။ ဩဂုတ်လအတွက် ပေးပို့ရမည့် လန်ဒန်ဘရန့်ရေနံစိမ်း အနာဂတ်ဈေးနှုန်းသည် အမြင့်ဆုံး အမေရိကန်ဒေါ်လာ ၃ ဒသမ ၃၈ ဒေါ်လာအထိ မြင့်တက်ခဲ့ရာ တစ်စည်လျှင် အမေရိကန်ဒေါ် ၉၆ ဒသမ ၄၇ ဒေါ်လာဖြင့် ၃ ဒသမ ၆၃ ရာခိုင်နှုန်း မြင့်တက်ခဲ့သည်။ ဒေသစံတော်ချိန် ဇွန်လ ၇ ရက် ညပိုင်းတွင် အစ္စရေးနိုင်ငံမြောက်ပိုင်း နေရာအများအပြား၌ လေကြောင်းရန် သတိပေးသံများ ထွက်ပေါ်ခဲ့သည်။ အီရန်က စုစုပေါင်းဒုံးကျည် ၁၀ စင်း သုံးကြိမ်ပစ်ခတ်ခဲ့ကြောင်း၊ ၎င်းတို့အားလုံးကို အစ္စရေးဘက်က ကြားဖြတ်ဟန့်တားနိုင်ခဲ့ကြောင်း အစ္စရေးစစ်တပ်က ပြောကြားခဲ့သည်။ ယခုတိုက်ခိုက်မှုသည် အမေရိကန်-အီရန် အပစ်အခတ်ရပ်စဲပြီး နှစ်လခန့်အကြာတွင် အစ္စရေးနိုင်ငံက အီရန်၏ ပထမဆုံးအကြိမ်တိုက်ခိုက်မှုကို ခံရခြင်းဖြစ်ကြောင်း သိရသည်။ အစ္စရေးက လက်ဘနွန်တောင်ပိုင်း နေရာအများအပြားနှင့် မြို့တော်ဘေရွတ်၏ တောင်ဘက်ဆင်ခြေဖုံးဒေသ များ၌ စစ်ရေးလှုပ်ရှားမှုများ ပြုလုပ်နေခြင်းကို တုံ့ပြန်သည့်အနေဖြင့် အစ္စရေးမြောက်ပိုင်းရှိ Ramat David လေတပ်အခြေစိုက်စခန်းကို ပဲ့ထိန်းဒုံးကျည်များဖြင့် တိုက်ခိုက်ခဲ့ခြင်းဖြစ်ကြောင်း အီရန်အစ္စလာမ်မစ်တော်လှန်ရေး အစောင့်တပ်ဖွဲ့(IRGC)က ပြောကြားခဲ့သည်။ အမေရိကန်နှင့် အီရန်သည် ပေကျင်းစံတော်ချိန် ဧပြီလ ၈ ရက်မှစ၍ အပစ်အခတ်ရပ်စဲခဲ့ပြီးနောက် ငြိမ်းချမ်းရေးသဘောတူညီချက် မရရှိခဲ့သေးပေ။ ကမ္ဘာ့ရေနံသိုလှောင်မှုသည် လျင်မြန်စွာ လျော့နည်းလာခြင်းက ခြိမ်းခြောက်မှုအန္တရာယ်များကို ပို၍ထင်ရှားပေါ်လွင်လာစေသည်။ (Repost from Xinhua)