ဒီနေ့ည ၈နာရီမှာတော့ Novel Star Pageရဲ့ ကျန်းမာရေးကဏ္ဍကနေ ဦးနှောက်ကင်ဆာ အကြောင်းကို ပြောပြသွားမှာ ဖြစ်ပါတယ်။ ဦးနှောက်ကင်ဆာသည် ဦးနှောက်အတွင်းရှိ ဆဲလ်များ ပုံမှန်မဟုတ်ဘဲ အလွန်အကျွံ ကြီးထွားလာတာကြောင့် ဖြစ်ပေါ်လာတဲ့ ပြင်းထန်သည့် ရောဂါတစ်မျိုးဖြစ်ပါတယ်။ ထို abnormal cells များက အကျိတ် (Tumor) များ ဖြစ်ပေါ်စေပြီး ဦးနှောက်ရဲ့ ပုံမှန်လုပ်ဆောင်မှုများကို ထိခိုက်စေနိုင်ပါတယ်။ ဦးနှောက် ကင်ဆာဟာ အသက်အရွယ်မရွေး ဖြစ်ပွားနိုင်သော်လည်း အချို့အမျိုးအစားများမှာ လူကြီးများတွင် ပိုမိုတွေ့ရပါတယ်။ ဦးနှောက်က ခန္ဓာကိုယ်ရဲ့ လှုပ်ရှားမှု၊ မှတ်ဉာဏ်၊ စဉ်းစားမှု နဲ့ အသက်ရှူခြင်းကဲ့သို့ အရေးကြီးသော လုပ်ဆောင်ချက်များ ကို ထိန်းချုပ်ထားတာကြောင့် ဤရောဂါသည် အလွန်အန္တရာယ်ရှိနိုင်တဲ့ ရောဂါတစ်မျိုးဖြစ်ပါတယ်။ ဦးနှောက်ကင်ဆာဖြစ်ပေါ်စေတဲ့ အကြောင်းရင်းများနဲ့ အန္တရာယ်ဖြစ်စေသော အချက်များစွာ ရှိပါတယ်။ အချို့အခြေအနေများတွင် တိကျတဲ့ အကြောင်းရင်းကို မသိရှိရသေးပါ။ သို့သော် မျိုးရိုးဗီဇပြောင်းလဲမှုများနဲ့ မိသားစုတွင် ကင်ဆာရောဂါရှိဖူးခြင်းတို့ဟာလည်း ဦးနှောက်ကင်ဆာ ဖြစ်နိုင်ချေကို မြင့်တက်စေနိုင်ပါတယ်။ ဒါ့အပြင် အန္တရာယ်ရှိတဲ့ ရောင်ခြည်များ (radiations) နဲ့ ထိတွေ့မှုသည်လည်း အကြောင်းရင်းတစ်ခုအဖြစ် ယူဆရပါတယ်။ အချို့သော ဓာတုပစ္စည်းများနဲ့ ပတ်ဝန်းကျင်ဆိုင်ရာ အကြောင်းအရာများလည်း ဦးနှောက်ကင်ဆာဖြစ်ပွားမှုကို ဖြစ်စေနိုင်ပါတယ်။ တစ်ခါတစ်ရံတွင် ခန္ဓာကိုယ်ရဲ့ အခြားအစိတ်အပိုင်းများမှ ကင်ဆာဆဲလ်များက ဦးနှောက်သို့ ပျံ့နှံ့လာပြီး ဒုတိယအဆင့် ဦးနှောက်အကျိတ်များ ဖြစ်ပေါ်စေနိုင်ပါတယ်။ ဦးနှောက်ကင်ဆာသည် အကျိတ်ရဲ့ အရွယ်အစား နဲ့ တည်နေရာပေါ်မူတည်၍ လက္ခဏာအမျိုးမျိုး ဖြစ်ပေါ်နိုင် ပါတယ်။ အများအားဖြင့် ပြင်းထန်တဲ့ခေါင်းကိုက်ခြင်း၊ မူးဝေခြင်း၊ မျက်စိမြင်မှုမရှင်းခြင်း၊ တက်ခြင်း၊ အန်ချင်ခြင်း၊ စကားပြောရခက်ခြင်း၊ မှတ်ဉာဏ်ပြဿနာများနဲ့ ခန္ဓာကိုယ်ရဲ့ အချို့အစိတ်အပိုင်းများ အားနည်းခြင်းတို့ ဖြစ်ပေါ်နိုင်ပါတယ်။ ဤလက္ခဏာများသည် အချိန်ကြာလာသည်နဲ့အမျှ ပိုမိုဆိုးရွားလာနိုင်ပြီး နေ့စဉ်ဘဝကို ထိခိုက်စေနိုင်ပါတယ်။ ဦးနှောက်ကင်ဆာအတွက် ကုသနည်းများစွာ ရှိပါတယ်။ ခွဲစိတ်ကုသမှုက အကျိတ်ကို တတ်နိုင်သမျှ ဖယ်ရှားရန် အသုံးပြုလေ့ရှိပါတယ်။ Radiation therapy နဲ့ chemotherapy တို့သည်လည်း ကင်ဆာဆဲလ်များကို ဖျက်ဆီးရန် အသုံးပြုသော ကုသနည်းများဖြစ်ပါတယ်။ အချို့သော အခြေအနေများတွင် targeted therapy သို့မဟုတ် immunotherapy ကိုလည်း အသုံးပြုနိုင်ပါတယ်။ ကုသမှုရဲ့ အောင်မြင်မှုသည် ကင်ဆာအမျိုးအစား၊ ရောဂါအဆင့်နဲ့ လူနာရဲ့ ကျန်းမာရေးအခြေအနေပေါ် မူတည်ပါတယ်။ အဲ့ဒါကြောင့် စောစီးစွာ ရောဂါရှာဖွေတွေ့ရှိနိုင်ခြင်းဟာ အလွန်အရေးကြီးပါတယ်။ ဦးနှောက်ကင်ဆာအန္တရာယ်ကို လျှော့ချနိုင်တဲ့ နည်းလမ်းများ ရှိပါတယ်။ မလိုအပ်ဘဲ ရောင်ခြည်များနဲ့ အန္တရာယ်ရှိတဲ့ ဓာတုပစ္စည်းများကို ထိတွေ့ခြင်းမှ ရှောင်ကြဉ်ပေးပါ။ အာဟာရပြည့်ဝတဲ့ အစားအစာများစားခြင်း၊ ပုံမှန်လေ့ကျင့်ခန်းလုပ်ခြင်း၊ အိပ်ရေးဝဝအိပ်ခြင်းနှင့် ဆေးလိပ်နဲ့ အရက်ကို ရှောင်ကြဉ်ခြင်းတို့သည် ကျန်းမာရေးအတွက် အထောက်အကူပြုပါတယ်။ ဒါ့အပြင် မိသားစုတွင် ကင်ဆာရောဂါရှိဖူးသူများသည် ပုံမှန် ဆေးစစ်မှုများ ပြုလုပ်သင့် ပါတယ်။ နိဂုံးချုပ်အနေဖြင့် ဦးနှောက်ကင်ဆာက အန္တရာယ်ရှိသော်လည်း စောစီးစွာ ရှာဖွေတွေ့ရှိပြီး ကုသပါက ထိန်းချုပ်နိုင်တဲ့ ရောဂါတစ်မျိုးဖြစ်ပါတယ်။ ၎င်း၏ အကြောင်းရင်းများ၊ လက္ခဏာများ၊ ကုသမှုများနဲ့ ကာကွယ် နည်းများကို သိရှိထားခြင်းဖြင့် လူများဟာ မိမိကျန်းမာရေးကို ပိုမိုကာကွယ်နိုင်မှာ ဖြစ်ပါတယ်။ (NVS 003)