ရုရှားနိုင်ငံသမ္မတဗလာဒီမာပူတင်သည် တရုတ်နိုင်ငံသို့ ၂၅ ကြိမ်မြောက်ခရီးစဉ် အဖြစ် မေလ ၁၉ ရက်တွင် ပေကျင်းမြို့သို့ ရောက်ရှိလာကြောင်းသိရသည်။ သမ္မတပူတင်သည် တရုတ်နိုင်ငံသမ္မတရှီကျင့်ဖျင်၏ ဖိတ်ကြား ချက်အရ တရုတ်နိုင်ငံသို့နှစ်ရက် ကြာချစ်ကြည်ရေးခရီး လာရောက်ခြင်း ဖြစ်သည်။ သမ္မတပူတင်သည် မေလ ၂၀ ရက်တွင် သမ္မတရှီကျင့်ဖျင်နှင့်တွေ့ဆုံကာ နှစ်နိုင်ငံဆက်ဆံရေးအခြေအနေများ၊ နှစ်နိုင်ငံကြားမဟာဗျူဟာ မြောက် ဘက်စုံမိတ်ဖက်ဆက်ဆံရေးအခြေအနေများ ပိုမိုတိုးမြှင့်နိုင်ရေးအတွက်ကိစ္စရပ်များနှင့်ပတ်သက်၍ ဆွေးနွေးသွားမည်ဖြစ်သည်။ ထို့ပြင် အဆိုပါဆွေးနွေးမှုများမှတစ်ဆင့်ပူးတွဲကြေညာချက်ထုတ်ပြန်ခြင်းနှင့်နှစ်နိုင်ငံ သဘောတူညီချက်များစွာကို လက်မှတ်ရေးထိုးခြင်းတို့ကို လုပ်ဆောင်သွားမည်ဖြစ်သည်။ အလားတူ သမ္မတပူတင်နှင့် သမ္မတ ရှီကျင့်ဖျင်တို့က ၂၀၂၆-၂၀၂၇ ရုရှား-တရုတ် ပညာသင်နှစ်ဖွင့်ပွဲ အခမ်းအနားသို့ ပါဝင်တက်ရောက်သွားမည် ဖြစ် သည်။ ထို့ပြင် သမ္မတပူတင်သည် တရုတ်နိုင်ငံဝန်ကြီးချုပ် လီကျန်းနှင့်လည်း သီးခြားတွေ့ဆုံဆွေးနွေးသွားမည်ဖြစ်ပြီး ထိုသို့တွေ့ဆုံစဉ်နှစ်နိုင်ငံကြား ကုန်သွယ်ရေးနှင့် စီးပွားရေးဆိုင်ရာပူးပေါင်းဆောင်ရွက်မှု အလားအလာများကို ဆွေးနွေးသွားမည်ဖြစ်သည်။ ယခုခရီးစဉ်တွင် သမ္မတ ပူတင်နှင့်အတူဒုတိယဝန်ကြီးချုပ်များအားလုံး၊ ရုရှားနိုင်ငံပိုင်နှင့်ပုဂ္ဂလိကပိုင်စီးပွားရေးလုပ်ငန်းများမှ ခေါင်းဆောင် များ လိုက်ပါသွားကြောင်း Sputnik သတင်းဌာန ဖော်ပြချက်အရ သိရသည်။