“သွင်းဂိုးပေါင်း ၁၀၀၀ ရရှိရန် နီးစပ်လာတဲ့ စီရော်နယ်ဒို”
12 Apr
ဆော်ဒီပရိုလိဂ် အယ်နာဆာအသင်းမှာ ကစားနေတဲ့ ပေါ်တူဂီတိုက်စစ်မှူး စီရော်နယ်ဒို ဟာ ကစားသမားဘဝ သွင်းဂိုးပေါင်း ၁၀၀၀ ရရှိရန် တဖြည်းဖြည်းနီးစပ်လာခဲ့တာဖြစ်ပါတယ်။ တံကောက်ကြောဒဏ်ရာကနေ ပြန်လည်သက်သာလာခဲ့ပြီးနောက် ပါဝင်ကစားခဲ့တဲ့ ပွဲစဉ်နှစ်ပွဲလုံးမှာ ဂိုးများသွင်းယူနိုင်ခဲ့တာဖြစ်ပါတယ်။ အယ်လ်နာဆာအသင်းနဲ့ အယ်လ်အိုဒူဒီအသင်းတို့ ယှဉ်ပြိုင်ခဲ့တဲ့ပွဲစဉ်မှာ စီရော်နယ်ဒို က အဖွင့်ဂိုးကို သွင်းယူပေးနိုင်ခဲ့ပါတယ်။ ၎င်းနိုင်ပွဲကြောင့် အယ်လ်နာဆာအသင်းရဲ့ သမိုင်းတစ်လျှောက် ပထမဆုံးအဖြစ် လိဂ်ပွဲ ၁၄ ပွဲဆက် အနိုင်ရရှိခဲ့ပြီး စီရော်နယ်ဒို ရဲ့ ဂိုးပေါင်း ၁၀၀၀ ရည်မှန်းချက်ကလည်း ၉၆၈ ဂိုးအထိ ရှိလာခဲ့ပါတယ်။ လက်ရှိတွင် အယ်လ်နာဆာက ရာသီပြီးဆုံးဖို့ ခြောက်ပွဲအလိုမှာ ၇၃ မှတ်နဲ့ ဒုတိယနေရာက အယ်လ်ဟီလာကို ငါးမှတ်ဖြတ်ထားပါတယ်။(NVS 008)
12 Apr
