ဂါနာဘောလုံးအဖွဲ့ချုပ်ဟာ ကမ္ဘာ့ဖလားပြိုင်ပွဲကျင်းပဖို့ ၇၂ ရက်သာ လိုတော့တဲ့အချိန်မှာနည်းပြဖြစ်သူ အော်တိုအက်ဒို ကို ရာထူးကနေ အံ့အားသင့်ဖွယ် ထုတ်ပယ်ခဲ့ပါတယ်။ ပြီးခဲ့တဲ့သောကြာနေ့က သြစတြီးယားအသင်းနှင့် ဂျာမနီအသင်း တို့ကို ရှုံးနိမ့်ပြီးနောက် နည်းပြ အက်ဒို ကို ချက်ချင်းထုတ်ပယ်ခဲ့တာ ဖြစ်ပါတယ်။ ဂါနာအသင်းဟာ ကမ္ဘာ့ဖလားပြိုင်ပွဲအုပ်စု L မှာ အင်္ဂလန်၊ ခရိုအေးရှား၊ ပနားမားအသင်းတွေနဲ့ အတူကျရောက်နေပါတယ်။ နည်းပြ အက်ဒို ဟာ ဂျာမနီမှာ မွေးဖွားခဲ့သူဖြစ်ကာ ကစားသမားဘဝတစ်ခုလုံး ဂျာမန်ကလပ်တွေမှာပဲ ကစားခဲ့ပြီး ဂါနာလက်ရွေးစင်အသင်းအတွက် ၁၅ ပွဲ ကိုင်တွယ် ခဲ့ပါတယ်။ အက်ဒို အနေနဲ့ ၂၀၂၄ ခုနှစ် မတ်လကတည်းက ဂါနာအသင်းကို ဒုတိယအကြိမ်မြောက် ကိုင်တွယ်ခဲ့တာ ဖြစ်ပါတယ်။ (NVS 008)