ရန်ကုန်တိုင်းရွှေလုပ်ငန်းရှင်များအသင်း(YGEA)က ရွှေဆိုင်များမှာ လက်ဝတ်ရတနာပြုလုပ်ရာတွင် ကောက်ခံမယ့် အလျော့တွက်လက်ခနှုန်းထားများကို အသစ်သတ်မှတ်ထုတ်ပြန်လိုက်ကြောင်း သိရပါတယ်။ မတ်လ ၁၁ ရက် ရက်စွဲနဲ့ထုတ်ပြန်တဲ့ ညွှန်ကြားချက်အရ ရွှေ၊ ရွှေကြမ်းနှင့် လက်ဝတ်ရတနာပစ္စည်းများ၏ အလျော့တွက်နှုန်းထားများကို စိစစ်အတည်ပြုခြင်းနှင့်ပတ်သက်၍ ရွှေဆိုင်များလိုက်နာရမည့် သတ်မှတ်ချက်များကို ထုတ်ပြန်ထားခြင်းဖြစ်ပါတယ်။ ထုတ်ပြန်ချက်မှာ ရွှေဆွဲသီး၊ ရွှေနားကပ်၊ ရွှေကလစ်၊ ရွှေလက်စွပ်၊ ရွှေလက်ကောက်၊ ရွှေဆွဲကြိုးနှင့် ရွှေဟန်ချိန်း/ဖုချိန်း စသည့် လက်ဝတ်ရတနာအမျိုးအစားများကို ခွဲခြား၍ အမျိုးအစားအလိုက် အလျော့တွက်လက်ခနှုန်းထားများ သတ်မှတ်ထားကြောင်း ဖော်ပြထားပါတယ်။ သတ်မှတ်ချက်အရ ရွှေဆွဲသီး ၂ ပဲတင်နှင့်အောက်အတွက် အလျော့တွက်လက်ခ ၁ ပဲ ၁ ရွေး သတ်မှတ် ထားပြီး ၄ ပဲတင်နှင့်အောက်အတွက် အလျော့တွက်လက်ခ ၂ ပဲ သတ်မှတ်ထားကြောင်း လက်ဝတ်ရတနာ ပြုလုပ်တဲ့ အခါ ပစ္စည်းတန်ဖိုး၏ ထက်ဝက်နီးပါးအထိ အလျော့တွက်လက်ခပေးရနိုင်ကြောင်း သိရပါတယ်။ ဒါ့အပြင် ရွှေဆွဲကြိုး ၄ ပဲတင်နှင့်အောက်အတွက် အလျော့တွက်လက်ခ ၂ ပဲ သတ်မှတ်ထားပြီး တစ်ကျပ် သားတင်နှင့်အောက်အတွက် အလျော့တွက်လက်ခ ၅ ပဲ ၆ ရွေးသတ်မှတ်ထားကြောင်း ထုတ်ပြန်ချက်မှာ ဖော်ပြထား ပါတယ်။ ဒါကြောင့် ရွှေဆွဲကြိုး တစ်ကျပ်သားပြုလုပ်ပါက တစ်မတ်ခွဲသားနီးပါးခန့် အလျော့တွက်လက်ခပေးရ နိုင်ကြောင်း သိရပါတယ်။ (NVS 004)