ရန်ကုန်၊ နေပြည်တော်၊ မန္တလေးနှင့် တောင်ကြီးမြို့တို့ရှိ စက်သုံးဆီအရောင်းဆိုင်များ၌ တစ်ပြိုင်နက်စတင် အသုံးပြုမည့် Fuel Control System စနစ်အသုံးပြုနည်းသင်တန်းကို မတ်လ ၁၁ ရက်က တောင်ကြီးမြို့မှာ ဖွင့်လှစ်ခဲ့ပါတယ်။ အဆိုပါစနစ်ကိုအသုံးပြုခြင်းဖြင့် ယာဉ်အမှတ်များအား စုံ/မစနစ်အတိုင်း QR စနစ်ဖြင့် စက်သုံးဆီရောင်းချမည့် အစီအစဉ်ကို ဆောင်ရွက်သွားနိုင်မည်ဖြစ်ကာ သင်တန်းကို ရှမ်းပြည်နယ်(တောင်ပိုင်း)ရှိ စက်သုံးဆီအရောင်းဆိုင် များမှ ဝန်ထမ်း ၇၀ ဦးခန့် တက်ရောက်သင်ကြားခဲ့ကြပါတယ်။ သင်တန်းကို စွမ်းအင်ဝန်ကြီးဌာန၊ ရေနံထွက်ပစ္စည်းကြီးကြပ်စစ်ဆေးရေးဦးစီးဌာန၊ ပြည်နယ်ကြီးကြပ်စစ် ဆေးရေးအရာရှိရုံး၊ ရှမ်းပြည်နယ်(တောင်ပိုင်း)ရုံးမှ စက်သုံးဆီများအလေအလွင့်မရှိအောင် ထိန်းချုပ်နိုင်ရန်နှင့် လိုအပ်ချိန်မှာ စက်သုံးဆီများလွယ်ကူလျင်မြန်စွာ ဖြည့်တင်းနိုင်ရန်အတွက် ဖွင့်လှစ်ပို့ချပေးခြင်းဖြစ်ပါတယ်။ (NVS 004)