မြန်မာ ယူ- ၁၇ အသင်းအနေနဲ့ ၂၀၂၆ အာဆီယံ ယူ-၁၇ ချန်ပီယံရှစ်ပြိုင်ပွဲမှာ လာအို ယူ-၁၇ အသင်းနဲ့ စတင်ယှဥ်ပြိုင်ကစားသွားရဖို့ ရှိနေပါတယ်။ မြန်မာ ယူ-၁၇ အသင်းဟာ ၂၀၂၆ အာဆီယံ ယူ-၁၇ ချန်ပီယံရှစ်ပြိုင်ပွဲမှာ ထိုင်း၊ ဖိလစ်ပိုင်၊ လာအိုအသင်းတွေနဲ့အတူ အုပ်စု (B) မှာ ကျရောက်နေပါတယ်။ အာဆီယံဘောလုံးအဖွဲ့ချုပ် (AFF) ဟာ ဒီပြိုင်ပွဲအတွက် အုပ်စုခွဲဝေမှုတွေကို မတ်လ ၆ ရက်က ပြုလုပ်ခဲ့ပြီး ပြိုင်ပွဲဝင်အသင်း ၁၂ သင်းကို ၄ သင်း ၃ အုပ်စု ခွဲဝေခဲ့တာဖြစ်ပါတယ်။ အုပ်စုခွဲဝေမှုအရ အုပ်စု (A) မှာ အိမ်ရှင်အင်ဒိုနီးရှား၊ ဗီယက်နမ်၊ မလေးရှား၊ တီမော၊ အုပ်စု (B) မှာ မြန်မာ၊ ထိုင်း၊ ဖိလစ်ပိုင်၊ လာအို၊ အုပ်စု (C) မှာ သြစတြေးလျ၊ စင်ကာပူ၊ ကမ္ဘောဒီးယား၊ ဘရူနိုင်းအသင်းတို့ ကျရောက်နေပါတယ်။ (NVS 008)