မန်စီးတီးနည်းပြ ဂွါဒီယိုလာ ဟာ ဒီရာသီအင်္ဂလန်ပြည်တွင်းပြိုင်ပွဲတွေမှာ အဝါကတ်ပြသခံရတာ (၆)ကြိမ် ပြည့်သွားပြီဖြစ်တာကြောင့် ၂ ပွဲပယ်ပြစ်ဒဏ်ကျခံရမှာဖြစ်ပေမယ့် အာဆင်နယ်အသင်းနဲ့ ယှဥ်ပြိုင်ရမယ့် လိဂ်ဖလားဗိုလ်လုပွဲကို ကြီးကြပ်ခွင့်ရမယ်လို့ သိရပါတယ်။ ဂွါဒီယိုလာဟာ နယူးကာဆယ်နဲ့ ယှဥ်ပြိုင်ခဲ့တဲ့ FA ဖလားပွဲမှာ ဒီရာသီရဲ့ ၆ ကြိမ်မြောက် အဝါကတ် ပြသခံခဲ့ရခြင်း ဖြစ်ပါတယ်။ ယခင်က အင်္ဂလန်ပြည်တွင်းပြိုင်ပွဲမှာ နည်းပြတွေအနေနဲ့ အဝါကတ် ၃ ကြိမ်ပြည့်ရင် ပွဲပယ်ပြစ်ဒဏ်တစ်ပွဲ ချမှတ်ခံရပေမဲ့ ဒီရာသီမှာတော့ အဝါကတ် ၆ ကြိမ်ပြည့်မှ နှစ်ပွဲပယ်ပြစ်ဒဏ် ချမှတ်ခံရဖို့ ပြောင်းလဲပြင်ဆင်လိုက်ခြင်းဖြစ်ပါတယ်။ မန်စီးတီးအသင်းရဲ့ လာမယ့်ပြည်တွင်းပွဲစဥ်နှစ်ပွဲက မတ်လ ၁၄ မှာ ဝက်စ်ဟမ်းနဲ့ ပရီးမီးယားလိဂ်၊ မတ်လ ၂၂ ရက်မှာ အာဆင်နယ်နဲ့ လိဂ်ဖလားဗိုလ်လုပွဲ ဖြစ်ပေမဲ့ ဒီလိုပွဲပယ်ပြစ်ဒဏ်တွေမှာ ဗိုလ်လုပွဲတွေကို ကင်းလွတ်ခွင့် ပြုထားတာကြောင့် ဂွါဒီယိုလာအနေနဲ့ လိဂ်ဖလားဗိုလ်လုပွဲမှာ ကြီးကြပ်ခွင့်ရရှိမှာ ဖြစ်ပါတယ်။ (NVS 008)